Gå til hovedindhold

KAIR: 404 millioner koruunit aningaasaliissutigineqartut

Kalaallit Airportsip 404 millioner koruunit aningaasaliissutigisimavai, taakku amerlanersaat Nuummi atorneqarput

Nuummi, Ilulissani Qaqortumilu nutaanik timmisartoqarfiliornissaq aallatillualerpoq.

Kalaallit Airtports 2019-imi 404 millioner koruuninik aningaasaliissuteqarsimavoq, taakku amerlanersaat Nuummi atorneqarsimallutik.

Ingerlatseqatigiiffik nittartakkamini taamatut allappoq, tassani ilisimatitsissutigineqarpoq 2019-imut ukiumoortumik nalunaarusiaq siulersuisunit akuerineqarsimasoq.

- Ingerlatsinermi angusat suliffissuarmut tamarmiusumut 28,3 mio. koruuninik amigartooruteqartoq takutitsipput, taakkua 2018-imi 9,5 mio. koruuniusimallutik, aammalu ukiup naanerani nammineq aningasaatit 1.281 mio. koruuniupput, ingerlatseqatigiiffik allappoq.

Siulersuisut siulittaasuat naammagisimaarinnittoq

- Amigartoorutit siornamut sanilliullugu qaffassimanerat ilaatigut suliffissuarmi ingerlatat annertunerusimanerannut, ilaatigut ukiumi siusinnerusumiittumi suliaqarnerup ingerlanneqareersup nalingata nalikillilerneqarsimanerata, aammalu ilaatigut Qaqortumi mittarfimmi aningaasaliinerit ingerlaavartumik aningaasartuutitut allanneqartarsimanerannut, takussutissaavoq, ingerlatseqatigiiffik ingerlaqqilluni allappoq.

Siulersuisut siulittaasuata Johannes Egholm Hansenip 2019-imi timmisartoqarfiliassat ingerlanneqarnerat naammagisimaarpaa:

- Aammalu 2020-imi (i) Qaqortumi sanaartornermik suliassat, (ii) mittarfinni pingasuni tamaginni mittarfiit illutassaasa, aamma (iii) teknikkimut atortut, ilanngullugit mittarfinni pingasuni tamaginni atortut assakaasullit, neqeroortitsivigineqarnissaasa pilersaarutigineqartup naammassinissaa qilanaaralugu, Johannus Egholm Hansen oqarpoq, nangilunilu:

- Taamaalillutik aqutsisut siunissami mittarfiit ingerlanneqarnissaannut aammalu atuilereernerup kingorna mittarfinnik niuernikkut ineriartortitsinissamut sammisunut piareersarnissamut aallussinerulersinnaassallutik.

800 mio. koruunit 2020-mi aningaasaliissutigineqarniartut

Siulersuisut siulittaasuata naatsorsuutigaa, 2020-mi 800 mil. koruunit missaanniittut aningaasaliissutigineqassasut.

Qaqortumi mittarfimmut sanaartornermut suliassat 2020-ip aallartinnerani neqeroortitsivigalugit nassiunneqarput, aammalu 2020-imi qaammatit pingasukkaat aappaanni entreprenøri ajugaasoq isumaqatigiissuteqarfigineqassasoq siunnerfigineqarpoq.

Kalaallit Airportsip ukumoortumik nalunaarusiaa ingerlatseqatigiiffik maajip 14-iani ataatsimeersualerpat akuerineqassaaq. Naalakkersuisunut isumaqatigiissut naapertorlugu corona pissutigalugu takkuttoqarani ataatsimeersuarneq ingelanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER