Gå til hovedindhold

Ataatsimiititaliaq: Aalisagartassiissutit amerlanerusunut agguaanneqassapput

Avaleraasartoortassanik ammassassuartassanillu tunniussinissamut piumasaqaatit allanngortinneqartariaqartut qinnuteqarnissamullu piffissaliussaq kinguartinneqartariaqartoq, Aalisarnermut, Piniarnermut Nunalerinermullu Ataatsimiititaliaq isumaqarpoq

Aalisarnermut, Piniarnermut Nunalerinermullu Ataatsimiititaliap Naalakkersuisunut ammasumik allagaqarnermigut avaleraasartoortassanik ammassassuartassanillu tunniussinissamut piumasaqaatit allanngorteqquai.

Naalakkersuisut pisassiissuteqarnissamut piumasaqaatit martsip 27-ani nalunaarutigisimagaluarpaat.

Ataatsimiititaliamit ilisimatitsissutigineqarpoq, aalisartut piniartullu kattuffiani KNAPK-mit saaffiginnissut tapersersorneqartoq, ataatsimiititaliallu innersuussutigaa aalisarnerup aalisartunut amerlanerusunut atuutsinneqarnissaa politikkikkut isumaqatigiissutaasoq:

- Tassa suliffeqarfiit angisuut mikinerillu Kalaallit Nunaanni aalisarnermik ingerlatsisut tamaasa inissaqartinniarlugit, ataatsimiititaliami siulittaasoq Siumumeersoq Henrik Fleischer allappoq.

Tamanna tunngavigalugu ataatsimiititaliami Naalakkersuisunut kaammattuutigineqarput:

Avaleraasartoortassanik ammassassuartassanillu tunniussinissamut piumasaqaatit allanngortissagaat – pisassiitutit aalisartunut amerlanerusunut tunniunneqarsinnaanngorlugit, sulili illersorneqarsinnaasumik atugassaqartitsilluni.

Avaleraasartooniarnissamut ammassassuarniarnissamullu qinnuteqarnissamut piffissarititaq minnerpaamik sapaatip akunneranik ataatsimik sivitsorneqassasoq kinguartinneqassasoq.

Ataatsimiititaliamit kissaatigineqarpoq, pisassiissutissanik qinnuteqarnissamut piffissaliussaq apriilip ulluisa qulingat naallertinnagut Naalakkersuisut akissuteqarnissaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER