Gå til hovedindhold

Inuit 1 milliuunit sinneqartut coronavirusimik tunillatsissimasutut nalunaarsorsimapput

Coronavirusimik tunillatsissimasut nunarsuaq tamakkerlugu 1.041.000-it sinneqalerput. Nunalli assigiinngiiaartumik misissueriuseqarmata, napparsimalersut nalunaarsorneqanngitsut malunnaatilimmik amerlanerusinnaapput.

Inuit 1 milliuunit sinneqartut coronavirusimik, covid-19-imik napparsimalertitsisartumik, tunillatsissimapput. Johns Hopkins Universityp, ingerlaavartumik naatsorsuinerata tamanna takutippaa.

Napparsimalersoq siulleq Kinami decemberimi 2019-imi paasineqarpoq. Nappaat nunarsuup sinneranut siaruarsimalerpoq.

USA maanna sakkortunerpaamik eqqorneqarpoq, 245.000-it sinneqartut napparsimalersimammata. Kinamili tunillaassorneq ingalassimaneqalerpoq.

Inuit 220.000-it sinneqartut peqqissereersimapput, napparsimallutilli toqusut 55.000-it sinneqarlutik.

Kalaallit Nunaanni qulit

Kalaallit Nunaanni tunillatsissimasoq siulleq martsip 16-ani paasineqarpoq. Ullut marluk qaangiummata, martsip 18-ani, Nuuk matuneqarpoq, pisariaqanngitsumillu angallannerit suulluunniit unitsinneqarlutik.

Tunillatsissimasut qulit paasineqareerput, tamarmik Nuummiittuullutik. Taakkunanngalu pingasut peqqissisimalerlutik.

Kalaallit Nunaanni tunillatsissimasumik nutaamik kingullermik nassaartoqarneranit sapaatip akunnera qaangiussimalerpoq. Pisariaqavinngitsumilli angallanneq aprilip arfineq-pingajuata tungaanut atuutsinneqarallarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER