Silarlunnera pissutaalluni tupeqarfissap naammassineqarnissaa kinguartinneqarpoq
Nuummi silarlunnera pissutaalluni angerlarsimaffeqanngitsut tupeqarfissaata naammassineqarnissaa kinguartinneqarpoq
Tupeqarfik sapaatip akunnerani matumani naammassisussatut naatsorsuutigineqaraluarpoq, silarlunnerali pissutaalluni naammassinissaa kinguartinneqarpoq.
Tamanna Kommuneqarfik Sermersuumit Lars Damkjærimit ilisimatitsissutigineqarpoq.
- Toqqit pingasut ippassaq sisamanngormat napparneqarput. Nappaanerit suli ingerlanneqassapput, ataasinngorpat naammassinissaat naatsorsuutigaarput, oqarpoq.
Angerlarsimaffeqanngitsut akornanni coronavirusimik tunillaasoqannginnissaa anguniarlugu kommuni tupernik atorpoq. Nuuk Imip tunuani napparneqassapput, taakkulu Xploration Services Greenlandimit attartorneqarput.
- Maannakkut kommuni ineeqqanik attartorpoq angerlarsimaffeqanngitsut ataatsimoorpallaannginnissaat anguniarlugu, oqarpoq.
Toqqit inissisimaffissaat aputaajarneqareerpata nappaasoqaqqissaaq. Toqqit asaffeqarlutillu perusuersartarfeqarput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...