Taxaatillit pisortaat: Unitsinneqarnissatta tungaanut ingerlatsissaagut
Taxartartuuneq maannakkorpiaq oqittuinnaanngilaq. Tunillatsinnissaq aarlerinaateqarpoq ilaasoqarpianngilagullu.
Taxartartuulluni angerlarsimaffimmit sulisoqarsinnaanngilaq. Taamaammat Nuuk Taxami taxartartorpassuit peqqinnissaqarfimmi sulisut innuttaasullu allat ingerlanneqarnissamik pisariaqartitsisut apuunneqarnissaannut piareersimajuarput. Ingerlassisarnerilli akuttoriartuinnarput.
- Ullut atukkavut maannakkorpiaq oqimaapput, Karl Henriksen namminersortutut taxartartoq oqaluttuarpoq.
- Taxaatinni kisimiikkama ingerlatsiinnartariaqarpunga, ullullu tamaasa minnerpaamik akunnerit aqqaneq-marluk ingerlaartarlunga, taanna oqarpoq.
Taxat affaannaat ingerlaartartut
Nuuk Taxa A/S-imi pisortamit Janus Eigaardimit, 150-it missaanniittunik taxartitsisartumit taperserneqarpoq.
- Tunillatsissimasoq siulleq paasineqarmalli kaaviiaartitatta appariangaatsiarnerat malugisinnaasimavarput. Pisarnitsitut piffissat ulapiffiusartut atorunnaarsimavavut, taanna oqarpoq.
Taxartartorpassuit ullaat tamaasa biilerlutik aallartartut kakkagivai.
- Marlunnik sorsuuteqarput. Coronavirusimik tunillatsissinnaaneq aamma suliffeqarfimmi ajornartorsiuteqartumi inuussutissaqarniarluni kaaviiaartitanik attassiniarneq. Maannakkorpiaq taxat 35-it kisimik ingerlaarput, nalinginnaasumik 68-iusaraluarlutik, pisortaq oqarpoq.
Taxartartut ilaasa aalajangersimavaat, tunillatsissinnaanertik pissutigalugu angerlarsimaannarnissaq, aamma taxanut tamanut naammattumik suliassaqanngimmat.
Pisortamit oqaatigineqarpoq, kaaviaartitat ajornartorsiornerup aallartinnginneranut sanilliullugu én million koruunit sinnerlugit appariarsimasut.
Aningaasatigut ikiorserneqarnissamik neriuuteqartoq
Karl Henriksen oqaluttuarpoq, kaaviiaartittakkami 60-it 70-illu procentiisa akornanniittut annaasimallugit, ernumalersimallunilu fortæller, at han har mistet mellem 60 og 70 procent af sin omsætni.
- Akiligassaqarpungami akilerneqartussanik, taamaammat ingerlaannarpunga, imminullu aamma sullitakka paariniarsaralug, taanna oqarpoq.
Ilaatigut assannut spriti, aaqqatit kiinnamullu assiaqut atorlugit imminut sullitaminullu paarsiniarsarivoq. Taassuma aamma Nuuk Taxami pisortap neriuutigaat, Naalakkersuisut ikiorsiissutissaannut taxartartut aamma ilaatinneqassasut.
- Qaammammi matumani kaaviiaartitakka takoqqaarlugit qinnuteqassaanga, neriuutigilluinnarparalu ikiorserneqarumaarlunga, Karl Henriksen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...