Mianersoqqussut: Nuuk nittaalartalimmik anorersuarniarpoq

DMI naapertorlugu Nuuk aqangu tallimanngornermi nittaalartalimmik anorersuassaaq, sekundimut 30 meterinik anoraasuasarluni.

Kommuneqarfik Sermersooq aqangu suliartorlutik anisariaqartunut, biilinik pisullutilluu ingerlasussanut ullumi sisamanngornermi mianersoqqusivoq.

- Biilinik pisullutillu ingerlasussanut kaammattuutigaarput, anorersuarneratigut aqquserngillu quasanneratigut najukkani aqquserngit qanoq innerannik immikkut eqqumaffiginneqqullugit, illoqarfiit pingaarnersaata kommunianit nalunaarutigineqarpoq.

DMI naapertorlugu tallimanngornerup ingerlanerani 51 mm-imik apisssaaq.

Sapaatip akunnerata naanera silarlussasoq

Inunnut silaannarissarnissamut qilanaarsimasunut sapaatip akunnerata naanerani silassaq aamma qiimmaallannarpallassangunanngilaq.

Arfininngorpat anori 4 m/s-imut annikillisussaagaluarpoq, 39 mm-imilli apissaaq, aamma gradinik sisamanik kiassinnarluni gradinik pingasunik nillertittarluni sila allanngorassaaq.

Sapaatiuppat anori 15 m/s angusarlugu sakkortuseqqissaaq 22 mm-inilu apissalluni, aamma gradinik pingasunik kiassinnaluni gradinik malunnik nillertittarluni sila allanngorassaaq, DMI-p silassamut ilimasaarutaani tamanna takuneqarsinnaavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS