Gå til hovedindhold

Ataatsimeersuarneq: Aningaaseriviit kattunnissaat itigartitsissutigineqarpoq

Grønlandsbankenip BankNordikillu kattunnissaannut ataatsimeersuarnermi siunnersuut, piginneqataallutik aktiaatilinnit amerlanerussuteqartunit itigartinneqarpoq.

Aningaaserivimmi piginneqataalluni aktiaateqartut ilaat Kim Pedersen isumaqarpoq, Grønlandsbankenip BankNordikillu kattunneqarnissaat iluaqutissarpassuaqartoq.

Iluaqutissat

Iluaqutissaasinnaasut ataatsimeersuartunut saqqummiunneqarput:

  • Tunngavittut aningaasaatit patajaannerit, akiliisinnaassusermik piumasaqaatinik naammassinnissinnaalissapput niuernissamullu tunngavissaqarnerulluni aningaasaliinernut ataasiakkaanut peqataasinnaalissallutik. Tamassuma malitsigisaanik atuisut aningaasaqarnikkut aarlerinartorsiornerat annikillineqassaaq, nunallu sumiiffiani aningaasaqarnikkut ineriartornermut pituttorsimasariaqarneq annikillissalluni.
  • Grønlandsbankenimut sillimmasiinerup, soraarnerussutisiaqalernerup pigisallu iluanni periarfissanik allanik, BankNordikip pigeriigaanik, ilasineq.
  • Aningaasartassanik pissarsiortarnerup oqinnerulersinneqarnera, akikinnerulersinneqarnera qulakkeerneqarneralu, taamatullu NEP-mit piumasaqaatinik naammassinnissinnaalerneq, Grønlandsbankenimilu maanna aktiaatinit pitsaanerusunik akilersinnaanerusunillu aktianik pilersitsineq.
  • Nunani avannarlerni aningaaserivittut nukittuutut inissisimalerneq, siunissami piumasaqaatinik naammassinnissinnaanerulerneq, pikkoriffinnik pilersitsineq, sulisunik pikkorissunik atorfinitsitsisinnaanerup pitsaanerulersinneqarnera, Kalaallit Nunaannilu mittarfiit 2023-imi naammassippata, nunap iluani attaveqatigiinnerup, aalisarnerup, takornariaqarnerup, inuussutissarsiornerullu aningaasalerneqartariaqartup allap ineriartorneranut tapersiisinnaalerneq.

Grønlandsbankenip siulersuisuisa erseqqissarpaat, siunnersuutip aningaaseriviup siunertaa illuatungilerluinnaraa, tassa Savalimmiuni aningaaserivimmik ingerlatsinnginnissaq.

Pitsaannginnerulissapput

Siulersuisut aamma ima tunngavilersuuteqarput:

  • Siulersuisut isumaqarput Grønlandsbankimi aktiaateqartut soqutigisaqartullu pitsaanerpaamik inissisimasassasut, aningaaseriviup suliani ingerlatiinnarunigit, tassa inuiaqatigiinni kalaallini aningaaserivimmik ingerlatsineq.
  • Aningaaserivik ukiuni arlalinni kingullerni nunanit allaneersunik aningaasaliisinnaasunik suleqateqartareerpoq, inuiaqatigiinni aningaasaliiffissat ataasiakkaat eqqarsaatigalugit.
  • Aningaaserivik Kalaallit Nunaanni periarfissat aallaavigalugit niuerutissaqareerpoq, siunnersuuteqartup toqqammavilersuutai eqqarsaatigalugit.

Siunnersuut 60.216-init akuerineqartoq 855.185-init itigartinneqarpoq. Siunnersuut taamaasilluni itigartitsissutigineqarpoq. Siunnersuut alla, aktiaatilimmit Kim Pedersenimit aamma siunnersuutigineqartoq, aamma itigartitsissutigineqarpoq. Tassa aningaaserivik aktiat naligat 1-imiit mikinerugaangat, namminerisaminik aktiaateqalernissaanut siunnersuut.

Qinerseqqinneq

Siulersuisuni ilaasortat Kristian Frederik Lennert, Maliina Bitsch Abelsen aamma Peter Angutinnguaq Wistoft qinigaaqqipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER