Gå til hovedindhold

Ulloq unnuarlu paaqqinnittarfik tatineqartoq: Sulisussaqarniarneq ajornarsisoq

Nuuk matuneqarmat suliffeqarfippassuit iluamik ingerlatsiniarnertik ajornartorsiutigilersimavaat. Tamanna aamma atuuppoq inunnik pingaarutilimmik sullissisartuni.

Nuummi ulloq unnuarlu paaqqinnittarfik, Angerlarsimaffik Aja, inuusuttunik qajannartunik sullissiviuvoq, tassanilu coronap ajornartorsiutaanerata kinguneri malugineqalersimapput:

- Sulisussaqarniarneq ajornarsiartulerpoq. sulisut illersorniarlugit angerlartittariaqarsimavavut, taamaammat sulisussanik amigaateqalerpugut, Angerlarsimaffik Ajami pisortap tullia Jens Pavia Lennert ilisimatitsivoq.

Tamatuma saniatigut paaqqinnittarfiup immikkoortortaqarfiisa ilaanni pisortaq Maniitsumiit ingerlariaqqissinnaajunnaarsimavoq:

- Tallimanngormat Nuummut timmisartumik tikittussaagaluarpoq. Silarlunnerali pissutigalugu timmisartoq unitsiinnarneqarsimalluni. Isumaginninnermi pingaarutilimmik atuuffeqartuusoq isumaqarpugut. Pisariaqartipparpullu, pisortap tullia oqaluttuarpoq.

Ikiuussinnaanani ilungersunartoq

Immikkoortortaqarfimmi pisortaq tamaviaarluni aqqutissarsiorsimagaluarluni, Nuummukarniarnerminik iluatsitsinngittoorsimavoq, ungasianiillu suliffimmik isumaginninniarnera, pisortaq oqaluttuarpoq:

- Oqarasuaatikkut tamaasa isumagivagut, suliffillu ingerlaniarsaralugu. Arlalippassuimmi sulisussanik amigaateqarput, Nuummiittuugumalu pigaartuusarlunga ikiuussinnaangaluarpunga. Taamaammat ilungersunarpoq, immikkoortortaqarfimmi pisortaq Anna Wind Maniitsumiit oqarasuaatikkut oqarpoq.

Paaqqinnittarfik sulisussaqarniarnikkut tatineqaraluartoq, aamma nuannersortaqarpoq:

Danskit ilinniartut ikiuunniarlutik aallanngitsuuginnarsimasut

Perorsaasunngorniammi marluk Danmarkimeersut, sapaatip akunnerani kingullermi aalajangersimapput, paaqqinnittarfimmi suliffimmimik misiliinertik naammassiniarlugu, naak timmisartukkut aqqutissat matuneqannginneranni Danmarkimukarnissamut periarfissaqarsimagaluarlutik.

- Oqarfigaakka taakku namminneq kisimik taamatut aalajangersinnaasut. Aallarniarlutimmi aalajangersimasuuppata ajoriffissaqartinnginnakku, Angerlarsimaffik Ajami forstander Fie Hansen oqaluttuarpoq.

Forstanderilli aappaatigut aamma nuannaarutigaa, sulisussanik amigaateqarnermi ilinniartut taakku marluk maanna ikiuussinnaanerat:

- Taamatut aalajangersimanerat nuannaarutigaara, assaammi sisamat pisariaqartitavut maanna ikiuussinnaalermata, Fie Hansen oqarpoq.

Stueleder i Nukariit: Jeg arbejder, hvor der er brug for mig
Marie R. Møller er til daglig stueleder for de store børn i Nukariit. Udover at være pædagog er hun også uddannet socialhjælper, og skulle der blive behov for de kompetencer, er hun helt afklaret med...
Gør en forskel for dine medmennesker
Bliv frivillig ved Kommuneqarfik Sermersooq! På grund af Coronakrisen kan kommunens nødberedskab i værste tilfælde komme til at mangle hjælp til kerneopgaver, såsom ældrepleje, dagrenovation,...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER