Kalaallit Nunaanni imerniartarfiit unnuami ammasartut annersaat matuneqartoq
Heca Nuuk A/S-ip siulersuisuini siulittaasoq Helge Tang ilisimatitsivoq, Manhattan Nichtclub arfininngormat qulliit assigiinngitsunik qalipaatillit ataanni kingullermik nuannatsitsisoq
Manhattan Nightclub Nuummiittoq ukiuni 14-ingajanni atuutereersoq piginnittuisa matoriarlugu allanik suliaqalerniarlutik aalajangersimapput.
- Nuummi maannamut unnuakkut ammasartunik imerniartarfeqaalussimavoq, taakkununngalu atatillugu tamatigut Juhl Tang taakku pilersinneaqarnissaannut isumassarsisarsimallunilu takorluugaqartarsimavoq. Atugaasunik nuannarinnittarneq pingaaruteqaraluartoq, aamma pisunut ineriartornermullu malinnaanissaq pingaaruteqarpoq, Heca Nuuk A/S-ip siulersuisuini siulittaasoq Godthaab Bryghusimi arlalinnik imerniartarfiuteqarlunilu neriniartarfiutilik nassuiaavoq.
Imerniartarfimmi maanna init siunissami ulluinnarni inuussutissanut atorneqartassasut paasinarsivoq.
Pisiffik siusinnerusukkut nalunaaruteqarsimavoq, psiniarfik Super 1 Nuup qeqqaniittoq illuutigilertussaallugu, Pisiffillu tassunga atatillugu attartornissamik isumaqatigiissuteqarsimavoq, imerniartarfiup unnuakkut ammasartup initai attartorsimagamigit.
Helge Tangip tusagassiorfinnut nalunaaruteqarnermi innersuussutigaa, nuannakkiarusuttut qitikkiarusuttullu Godthaab Bryghus, Daddy’s aamma Pub Takuss nipilersortoqartarlutillu aliikkusersuisoqartartut atorneqarsinnaasut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...