Kianguaassiuutitigut inniminniilliorfigineqartartoq: Nalunaarutikka politiit pimoorullugit tiguneq ajorpaat

Sexolog Ulrikka Holm kinguaassiutitigut ataasiarani innimiilliorfigineqartarpoq. Politiinut nalunaarneri pimoorullugit tiguneqarneq ajorput. Taamaattumik kinguaassiutitigut atornerlunneqarsimasut paasiniaaffigisarnissaannut politiit nukissaqarnissaat qularaa, naak nalunaarutiginnittarnissaq kaammattuutigineqaraluartoq

Nunatsinni politiit maanna saqqummilaartippaat ’Kinguaassiutitigut atornerluinerit nalunaarutigikkit – ikiussavatsigit’ tamannalu arlalinniit nersualaarneqarpoq. Kinguaassiutitigulli innimiilliorfigineqarsimalluni nalunaarutiginninniarneq ajornaatsuinnaanngitsoq, Ulrikka Holm oqaluttuarpoq, marloriarluni nalunaarutiginnissimagaluarami kinguneqanngitsumik.

Aviisi AG allappoq.

- Eqqarsaatiginngitsoorsinnaanngilara kina tulliulluni innimiilliorfigineqassanersoq innimiilliortoq unitsinneqanngippat. Taamatut eqqarsariarpunga innimiilliorfigineqareerlunga politiinut nalunaarutiginninnerigaluakka politiinit pimoorullugit suliarineqanngimmata, Ulrikka Holm oqarpoq.

Taanna timikkut oqaatsitigullu innimiilliorfigineqartarsimavoq taamatullu oqarasuaat atorlugu inniminniilliortoq suli unitsinniarsarigaluarpaa.

Inniminniilliortoq tissassaatigalugni sianertartoq

- Ukioq ataaseq sinnerlugu taamaasiortoqarpoq, angut aalajangersimasoq isertortumik normulimmiit sianertarami tissassaatigaluni. Taanna qangali politiinut nalunaarutiginikuuara. Kisianni ilisimatinneqarpunga normumit isertortumiit sianermat politiit iliuuseqarfigisinnaanngikkaat. Illuanik kaammattorneqarpunga eqqartuussivimmut saaffiginnissasunga tamanna aqqutigalugu akuersissut tunniunniassagakku isertortumik normumiit sianertup paasiniaaffigineqarnissaa, Ulrikka Holm oqarpoq, nangillunilu:

- Tamanna aamma periarfissaavoq. Kisianni innimiilliorfigineqarnikuulluni oqartussanut assigiinngitsunut saaffiginneqattaarnissamut nukissaalatsinartorujussuuvoq. Eqqartuussivimmut saaffiginninnissaq suli nukissaqarfiginikuunngilara, Ulrikka Holm oqarpoq.

Ulrikkap oqaluttuaa tamaat AG-mi atuaruk – linki una aqqutigalugu iserfigisinnaavat:

Powered by Labrador CMS