Gå til hovedindhold

Naalakkersuisut reagensglas atorlugu naartulersitsiniartarneq aningaasanut inatsisissaq isumaqatiginninniutigineqalerpat ilanngunniarpaat

Meerartaarsinnaanngitsut IVF-imik ikiorserneqassappata aningaasanut inatsisissap isumaqatiginninniutigineqarnerani aningaasanik nassaarniartoqartariaqartoq, Martha Abelsen erseqqissaavoq

Meerartaarsinnaanngitsut Kalaallit Nunaanni ikiorserneqarsinnaanngikkaangamik 2018-imi decembarip qaammataanili Danmarkiliartinneqartarput.

Tamatuma kinguneranik Siumut Inatsisartuni ilaasortaatitaasa siunnersuutigisimavaat, Naalakkersuisut peqquneqassasut meerartaarsinnaanngitsut Rigshospitalimi reagensglas atorlugu (aamma IVF atorlugu katsorsaanertut taaneqartartoq) ikiorserneqarnissaannut kiisalu angalanerannut akunninnerannullu aningaasassaqartinneqarnissaannut periarfissarsioqqullugit.

Peqqissutsimulli Naalakkersuisup Martha Abelsenip (S) akissuteqaammini allappaa tamanna ajornaatsuinnaanngitsoq.

- Peqqinnissaqarfiup aningaasaqarnera ilisimaneqartutut annertuumik tatineqaqqavoq. Ilassutitut aningaasaliissutissanik qinnuteqartoqarsimavoq, ilaatigut 2019-imi nunani allani Dronning Ingridillu Napparsimmavissuani napparsimasut suliaritinnissaannut 23 millioner koruunit qinnutigineqarsimapput. Aningaasartuutaasartunik misissueqqissaarsimanermi angusat ilassutitullu aningaasaliissuteqartoqarnissaanik qinnuteqaat aqqutigalugit takuneqarsinnaavoq, ukiuni aggersuni maanna ikiorsiissutigineqartartut attatiinnarneqarnissaalluunniit eqqarsaatigiinnarlugit taama annertutigisunik aningaasaliissuteqarnissamik pisariaqartitsisoqassasoq.

- Tassa maanna aningaasatigut atugassarititaasut iluini, immikkut aningaasaliissuteqartoqanngippat, tamanna pisinnaanngilaq.

IVF atorlugu Danmarkiki suliaritittarnerup unitsinneqannginnerani, Namminersorlutik Oqartussat suliaritinnerit akilertarsimavaat, suliaritittussallu namminneerlutik angalanermut, akunninnermut nerisaqarnermullu aningaasartuuteqartarsimallutik. Napparsimasulli Danmarkimi suliaritinnissamut innersuunneqaraangamik angalanermut akunninnermullu akiliunneqarsinnaatitaapput.

- Taamaammat Peqqinnissaqarfi Risgshospitalimi suliaritinnissamut innersuussisarunnaarpoq, tassa atuisut namminneq akiliuteqarnissaannut inatsisitigut tunngavissaqanngimmat, Martha Abelsen (S) akissuteqaammini allappoq.

Aningaasanillu immikkoortitsisoqarsimanngimmat, IVF atorlugu suliaritinnissamut tunngassuteqartoq aningaasanut inatsisissami pingaarnerutinneqartariaqassaaq. Taamaammat Siumut ilaasortaatitaasa meerartaarsinnaanngitsut IVF atorlugu suliaritittarnissaat aamma angalanermi akunninnermilu akiliunneqartarnissaat pillugu siunnersuutaannut Naalakkersuisut allannguutissatut siunnersuuteqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER