Avannaata Kommunia atuarfinni inunnik isumaginninnermut siunnersortinik atorfinititsissaaq

Avannaani meeqqat atuarfinni inunnik isumaginninnermik siunnersortinik atorfinititsisoqarnissaa kommuni aalajangerpoq, tassani 1,5 million koruunit atorneqassallutik.

Avannaani meeqqat atugaat pitsaanerulersinniarlugit Avannaata Kommunia iliuuseqarpoq.

Uummannami, Upernavimmi Qaanaami kiisalu nunaqarfimmi Kullorsuarmi inunnik isumaginninnermik siunnersortinik atorfinititsisoqarnissaa aalajangerneqarpoq.

Meeqqat atuarfiini inunnik isumaginninnermut siunnersorteqarnissamut qanoq pisariaqartitsigisoqarnersoq misissuisoqalerpoq kommuni MIO-lu suleqatigiinneratigut septembarimi.

Pisariaqartitsineq

- Meeqqat Pisinnaatitaaffiinik Sullissivik (MIO) angalanermut nalunaarummi juni 2018-imeersumi erseqqissaavoq, Qaanaami sanngiitsunik meeraqarlunilu ilaqutareeqarmat, piaartumik annertuumillu ikiorneqarnissaminnik ikorfartorneqarnissaminnillu pisariaqartitsisunik. Taamatuttaarlu aamma Meeqqat Pisinnaatitaaffiinik Sullissivik (MIO) angalanermi nalunaarusiaani ”Børnetalsmandens besøg i Uummannaqs og Upernaviks bygder” erserpoq meeraqartoq Uummannami nunaqarfiinilu aamma Upernavimmi nunaqarfiinilu inooqataanikkut ajornartorsiortunik. Tassanilu ajornartorsiutit pillugit saaffissaaleqisartut, kommunalbestyrelsimi ataatsimiinnermi imaqarniliami atuarneqarsinnaavoq.

- Taamaattut ajornartorsiutit pinaveersaartinniarlugit, aamma siusinaartumik iliuuseqartoqarsinnaanera anguniarlugu Avannaata Kommuniani meeqqat atuarfii illoqarfinniittut inunnik isumaginninnermut siunnersortinik pisariaqartitsipput, nalunaarutigineqarpoq.

Atorfinititsinissaq 1,5 million koruuninik naleqassaaq.

Powered by Labrador CMS