Biilinik alianartumik ajutoorneq: Angut mianersuaalliorluni toqutsisutut unnerluutigineqarpoq

Angutip politiinit tigummigallarneqarnissaa piumasaralugu eqqartuussivimmi ullumi killisiorneqarpoq

Nuummi arnap 16-nik ukiullip inuuneranik akeqartumik biilinik ajutoortoqarnerani, Nuummi politiit angut biilini ilaasimasoq ujaaraat sisamanngormat. Angut nammineerluni politeeqarfimmut saaffiginnippoq sisamanngormat.

Angut eqqartuussivimmi ullumi tallimanngornermi killisiorneqartoq politiit tusagassiutinut nalunaarummi allapput.

- Mianersuaalliorluni toqutsisimasutut, aalakoorluni biilersimasutut, biilernissamut akuersissuteqanngitsutut biilersimasutut kiisalu ajutoorfimmit qimaasimasutut ilaatigut pasineqarluni killisiorneqarpoq, ilisimatitsissutigineqarpoq.

Angut ulluni 25-ni tigummigallarneqassaaq.

Pisoq politiinit suli misissuiffigineqartoq ilisimatitsissutigineqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS