SAS-ip Savalimmiuni timmisartuutileqatigiiffik unammilleraa
SAS Københavnimiit Savalimmiunut timmisartuussisarnermik iluatsitsisimaqigami, timmisartuutileqatigiiffiup Vágar Lufthavnimut timmisartuussisarnini maanna amerliniarpai.
Savalimmiuni timmisartuutileqatigiiffik Atlantic Airways SAS-imit, ukiuunerani timmisartuussisarnerminik amerliliiniartumit unammillerneqarnerulerpoq, flymagasinet check-in.dk ilisimatitsivoq.
SAS oktobarip 27-anit aallartittumik Danmarkip Savalimmiullu akornanni sapaaatip akunneranut arfinileriarluni timmisartuussisalissaaq, aappagu aasakkut sapaatip akunneranut qulingiluariarluni timmisartuussisalissalluni, tassa ukiumut ilaasut 1.256.000-it amerlaqqataannut naapertuuttumik.
Tapersersorneqarluarneq
- Savalimmiunut timmisartuussisarnerput tapersersorneqarluarpoq soqutigineqarluarlunilu, taamaammat aqqummut tassunga atatillugu neqeroorutigisartakkavut annertusivavut, onelinemagasinet check-in.dk naapertorlugu SAS-imi Network Manager Johan Laurberg Lund Kofoed oqarsimavoq.
Ukiut marluk sinnilaarlugit matuma siorna skandinaviami timmisartuutileqatigiiffik aalajangerpoq Savalimmiunut timmisartuussisalerniarluni, taamani Atlantic Airways aqqummi tassani kisermaassisuugaluarpoq.