Mettep neriorsuutaa: Meeqqat misiliutaasut utoqqatserfigineqassapput

Statsministerip Mette Frederiksenip (Soc) Danmarki sinnerlugu 1951-imi meeqqat kalaallit 22-t pinngitsaalissummik Danmarkimut aallartinneqartut pisortatigoortumik utoqqatserfiginiarpai.

Nalunaarulli Naalakkersuisut siuliatigullu Danmarkimi naalakkersuisut isumaqatigiissutigisimasaat utaqqeqqaassavaa.

Nalunaarut qanorluunniit isikkoqaraluarpat utoqqatsernissaminut aalajangiusimavoq. Taama statsministeri Kim Kielsen peqatigalugu tusagassiortunik katersuititsinerminni oqarpoq.

Juunimi folketingimut qinersisoqarmat nalunaarusiaq kinguaattoorsimavoq, suliarli maannakkut ingerlavoq.

- Nalunaarut piaarnerpaamik suliarineqarpoq, statsministeri Mette Frederiksen oqarpoq.