Kim Kielsen: Siulittaasutut qinigassanngorteqqissanngilanga
Siumumi immikkoortortaqarfinni assigiinngitsuni ulloq naallugu ataatsimiittareerluni, Kim Kielsen tusagassiortunit aggersimasunit apersorneqarnermini oqarpoq partii ataatsimeersualerpat siulittaasutut sassaqqissanani.
Annonse
Partii aappaagu ataatsimeersuassaaq, partiillu siulittaasua, Kim Kielsen (S) ilisimatitsivoq parteeqatini ilisimatereersimallugit nammineq siulittaasutut sassaqqissanani.
- Erseqqissumik oqaatigissavara. Siornali novembarimi Siumup Inatsisartut-gruppia ilisimatippara ataatsimeersuarnerup tungaanut siulittaasussamik piukkunnartumik ujaaseqqillugit. Siunnersuutitillu immikkoortortaminnut nassiutissagaat. Ima paasillugu ukioq ataaseq ukiullu affaa sioqqullugu ilisimatitsereerpunga, Kim Kielsen oqarpoq.
Erseqqissaatigaali siulersuisuunernut sassarsinnaanini tunuarsimaarfiginagu, Siumulli siulittaasuattut issiavik nutaamit ingiffigineqarnissaanut ammatitsilluni.