Usisaat 100 millioninut sanaartulerpoq

Umiarsualiviup nutaap eqqaani Qeqertani inuussutissarsiuteqarfik nutaaq maanna ineriartortinneqalerpoq

Ingerlatsiviup Usisaatip inuussutissarsiuteqarfiup nutaap ineriartortinnera på onsdag aallartissavaa hal-erujussuarmik sanalluni, tassaniissappullu nutsertitsisarfik, ini peqqumaasivik, biileerniarfik aammalu – biilinik iluarsaavik allaffeqarfittaarlu. Umiarsualivimmi inuussutissarsiorfeqarfittaap ineriartortinneqarnerani assallaaneq siulleq borgmesterip tulliata Ujo Petersenip ingerlatissavaa.

Naatsorsuutigineqarpoq sanaartugaq 100 millioner koruuninik akeqassasoq. Sanaartukkap aningaasalerneqarnerani Grønlandsbanken ikiuussimavoq, aningaasaleeqataappullu aammma Vækstfonden, Greenland Venture, Vestnordenfonden kreditforeningilu ataaseq. MTHøjgaard sanaartortuuvoq, illussanillu titartaasuuvoq Ole Lindahls Tegnestue.

Pisussat:

Pingasunngorneq aggustip 14-iat nal. 11.

Arnannguaq Gerstrøm, Usisaat, tikiluaqqusissaaq

Borgmesterip tullia Ujo Petersen oqalugiassaaq

´Assallaaneq siulleq´ Arnannguaq Gerstrømimit Minik Gerstrømimillu, Usisaat, ingerlanneqassaaq

Bussip nutsernermi atorneqartartup saniani sodavand tamulugassamernillu

Sanaartugaq 2020-mi novembarimi naammassippat ingerlatsivik maanna Nuummi Industrivejimi najugaqarfimminit sisamanit tassunga nuussaaq.

Taanna ilaqutariit ingerlatsivigaat, angajoqqaat Hans Gerstrømip aamma Akisooq Poulsenip qitornaasalu Arnannguaq Gerstrømip aamma Minik Gerstrømip.

Ingerlatsivik qitornaasa ullulnnarni ingerlataraat. Arnannguaq Gerstrøm ulluinnarni pisortatut Minik Gerstrømilu biileerniarfimik biilinillu iluarsaavimmik ingerlatsisutut. Sanaartukkami nutaami Hans Gerstrøm sanaartortitsisuuvoq.

Nuunnissamut atatillugu kinguaariit nikinnerannik ingerlatsisoqassaaq, Hans Gerstrømili niuerfinnik nutaanik suli ineriartortitseqataasassaaq.

– Siullermik niuernermik ingerlatavut pingaarnerit, aningaasarsiorfigalugit nalunngisavut nuussavagut, Hans Gerstrøm aamma Arnannguaq Gerstrøm oqaluttuarput.

Piviusut:

Ingerlarnganik saqqummiussineq Usisaatillu siunissamut pilersarutai:

2017-imi Usisaatip siunissamut pilersaarunni Kommuneqarfik Sermersuumi Kommunalbestyrelsimut saqqummiuppai, neriuutigalugu Nuummi Qeqertani nunaminermik tunineqarnissani.

2017-imi decembarip 13-ianni Sanaartornermut Avatangiisinullu Ingerlatsivik nalunaarpoq Qeqertani ineriartortitsiniarluni suliniummut qinnuteqaat akuersissutigineqartoq.

Usisaat nunaminermik 14.000 kvadratmeterinik annertussusilimmik tunineqarpoq, Kalaallit Nunaannilu ingerlatsivimmut namminersortunit pigineqartumut nunaminermik aatsaat taama angitigisumik tunniussisoqarpoq.

Kommunalbestyrelsi qinnuteqartunut inuulluaqqussuteqarpoq: Issuaaneq »Kommunalbestyrelsip suliniut taanna nuannaarutigisorujussuuvaa taanna manna tikillugu Kalaallit Nunaanni namminersortut/pisortat inuussutissarsiutinik ineriartortitsinermi suliniutaasa annersarimmassuk. Tamatuma saniatigut suliniut kommunip illoqarfiit pingaarnersaannut periusissiaanut naapertuulluartuuvoq, siunertarineqarmat inuussutissarsiutit ineriartortinnissaannut sinaakkutassanik pitsaasunik atugassaqartitsinissaq«.

– Iluaqutissartaraa pingaarnerusutut ingerlatatta tamakkua ineriartotinnissaannut inissaqarnerulissagatta, taakkua oqaluttuarput.

Hans Gerstrømip oqaatigaa sanaartugaq nutaaq 5.000 etagemeterinik angissuseqassasoq. Nunamineq tkoqqavigisaa 2.500 kvadratmeterinik annertussuseqarpoq, illorsuullu ilaa tallimanik qulereeqassaaq.

– Pineqarpoq lasbiilinik, biilinik nioqqutissanik assartuutinik, entreprenørit maskiinaannik inuinnaallu biiliinik iluarsaasarfik. Aammalu lastbiilinik bussinik MAN-imik meqqilinnik inuinnaallu biiliinik Volvonik tuniniaavik.

– Tamatuma saniatigut inersuaq peqqumaasivik ingerlatanut assigiinngitsunut atorneqartussaq. Ilaatigut pigisanik toqqorsivik, containerinik toqqortaasivik containerinut 20 fodsinik angissusilinnut 120-nut, pallenut toqqortaasivik pallenut 1.000-inut inissalik, nassiussalerinermik ingerlatsinermut atatillugu niuerfinnut pisiniarfinnullu peqqumaasivik, ilaatigullu nutsertitsisarfik.

– Nassiussalerinermik ingerlatsivik allissavarput, ingerlatsivinnut nunap avataaneersunut ilisimasaqarnerusumik toqqorsivittut ingerlatsilerumalluta. Maannangaaq aassersuutigalugu ameriklarmut europamiullu ingerlatsiviinut uninngatitsivittut sulissisooreerpugut. Tassa imaappoq, tamakkua nunami maani atuisartuisa toqqortaasivimmit atorfissaqartitsigaangamik attaveqarfigisarpaatigut. Atuisartut atorfissaqartitaat ulloq unnuarlu akunnenri 24-ini ingerlaannaq tunniuttarsinnaavagut. Ingerlatsiviup taannartaanut maanna inissaqarnerulissaagut, Hans Gerstrøm oqaluttuarpoq, taannalu aamma oqaluttuarpoq sanaartukkami nutaami, nunatsinni namminersortut inuussutissarsiornermut sanaartugaasa annersaata ilaanni, aamma allattoqarfimmut inissaqassasoq.

– Piffissaq ungasinnerusoq eqqarsaatigalugu niuerfinnik nutaanik ineriartortitsinissarput pilersaarutigaarput, Hans Gerstrøm oqaluttuarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS