Kinguppanniarnerup iluani iluatsitsiffiusoq
Kalaallit aalisartui ukioq manna rekortiliinertut amerlatigisunik kinguppannik pisaqarsimapput.
Annonce
2019-imi ukiup affaani siullermi kinguppaat tunisat siorna taamaalineranut tunisanut naleqqiullugit amerleriarsimapput.
Ukiup affaani siullermi kinguppaat 24.163 tonsit tunineqarsimapput, tamanna siorna 2018-imi taamaalineranut naleqqiullugit 2.905 tonsinik amerleriarneruvoq. Maajimi tunineqarnerat ingerlalluarsimavoq, 5.000 tonsit sinnerlugit. Naatsorsueqqissaartarfimmiit kisitsisit saqqummiunneqaqqammersut tamanna takutippaat.
Tunisinermi ingerlalluarneq aamma avammut aalisakkanik allanik pingaarutilimmi tunisinermi takuneqarsinnaavoq: qalerallit, saarulliit nipisaallu.
Ukioq manna ukiup affaani siullermi qalerallit 14.000 tonsingajaat anguneqarput. 2018-imi taamaalineranut naleqqiullugit 1000 tonsit missaanik amerlanerupput.