Uumasuusivik 200 milliuunilimmik Kalaallit Nunaat pillugu immikkoortortaqalerusuppoq

Aalborgimi uumasuusivimmi pilersaaruteqartoqarpoq annertuunik, Kalaallit Nunaannut tunngatitaq 200 millioner koruuninik naleqartoq sanaartorniarneqarmat.

Ukiut pingasut sisamat qaangiuppata Aalborgimi uumasuusiviup pingajorarterutaata missaa Kalaallit Nunaannut tunngatinneqalissaaq, siulersuisut pisortallu Henrik Vesterskov Johansenip takorluugaat piviusunngussappata.

Aviisi Sermitsiaq taama allappoq.

Uumasuusivik Aalborgip qeqqanut qanittumi naatsiiviliarsuarmiittoq 24.000 kvadratmeterinik allineqassaaq (tassalu arsaattarfiit 3,5 angeqqataannik) ilulissat, masarsoqarfik, innaq timmissat inaa nunaqarfinnguarlu sananeqassallutik, uumasuusivimmi takuniaasut Kalaallit Nunaanni pinngortitaq kulturilu paasisaqarfigisinnaallugit.

Aalborgimi uumasuusivik nunarsuarmi uumasuusivinnik titartaasartut suliffeqarfiisa siuttuusut ilaannik Berlinimi Dan Pearlman GmbH-imik suliakkiisimavoq Kalaallit Nunaata ilamerngata titartarnissaanut.

Tamakku tamarmik 200 million koruunit missaannik akeqassapput – matumanilu ilungersunartut annertupput.

Suliniut pillugu aviisimi Sermitsiami atuarnerusinnaavutit – aviisi uani ataani pissarsiariuk:

Powered by Labrador CMS