MGP-mi ima taasisinnaavutit

Melodi Grand Priximi Julie aamma Nina unnugu tusarnaartitsillutik unammineranni ajugaanissaannut ikiorneqarsinnaapput.

Julie aamma Nina Danmarkimi Melodi Grand Priximi ajugaatikkusullugit ikiorusukkukkit, taaseqataanissarnut periarfissaqarputit – soorunami aamma erinarsortut allat taasinnaavatit, tamanna kissaatigigukku.

Taaseqataarusukkuit “sang 7” 1212-imut SMS-erutigissavat, ‘League of light’ taarusukkukku - imaluunniit erinarsuutip taarusunnerusappit normua. Sms-erneq 1 koruunimik akeqarpoq, Tusass-eqartunulli akit nalinginnaasut qaavatigut 1 koruunimik akeqassalluni.

DR-ip grand priximi app-ia aamma aasinnaavat, taanna App Storemi imaluunniit Google Playimi aaneqarsinnaavoq, tassanngaanniillu akeqanngitsumik taasisoqarsinnaalluni.

Unammineq kalaallit nalunaaqutaat malillugu ualimut sisamanut aallartissaaq, taasisoqarsinnaaneranillu nalunaartoqarniariarpat taasisinnaalissaatit.

Unammisut qulit taajuunneqareerpata taajuunneqarnerpaat pingasut nassaarineqassapput. Taajuunneqarnerpaallu pingasut ‘unammersuavinnissamut’ anngunniutsinneqassallutik.

Powered by Labrador CMS