Suliumajunnaarnissaq taamaatinneqarpoq: SIK isumaqatigiissuteqarpoq
SIK Namminersorlutik Oqartussanik aningaasarsiat pillugit isumaqatigiissuteqarfigineqartoq Jess G. Berthelsen Sermitsiaq.AG-mut ilisimatitsivoq
SIK aamma Namminersorlutik Oqartussat aningaasarsiat pillugit isumaqatigiissuteqarput.
Tiimimut 2,15 koruuninik qaffaanissaq isumaqatigiissutaavoq. Isumaqatigiissut taamaasilluni Namminersorlutik Oqartussat siullermik 95 oorit isumaqatiginninniutaanit marloriaammit anneruvoq.
- Isumaqatigiissut atsiorpara. Isumaqatigiissutigisinnaasarput malillugu isumaqatigiippugut, SIK-mi siulittaasoq Jess G. Berthelsen Sermitsiaq.AG-mut oqarpoq.
SIK-p aamma Namminersorlutik Oqartussat isumaqatiginninniarnerat ajalasooreersoq tallimanngormat aallartinneqaqqipput. Marlunngormat unnukkut isumaqatigiissuteqartoqartoq Jess G. Berthelsenip ilisimatitsissutigaa.
Utoqqalinersianut isumaqatigiissut aamma procentimik ataatsimik qaffattoq Jess G. Berthelsenip oqaatigaa.
Taamaasilluni isumaqatiginninniarnerit naammassipput, ukioq kingulleq apriilip 24-anili isumaqatiginninniarnerit aallartinneqarput.