Ukiut 100-t: Anthon soraarninngulersaarpoq
Kunngeqarfimmi namminersorluni inuussutissarsiortut angajullersaat Anthon Geisler inuuissioruni pilluaqquneqassaqaaq. Pilluaqqusisut ilaat kunngikkormiuneersuuvoq
Anthon Geisler Ilulissaneersoq aqagu rekordileeqqissaaq naqissuseqqittussanngoramiuk kunngeqarfimmi namminersorluni inuussutissarsiortuni angajullersaanini – tassami 100-liissaaq.
Aviisi AG taama allaaserisaqarpoq.
Naak ukioqqortusigaluarluni kioskiutini ullut tamaasa paaraa.
Ullorsiornerminni Anthon Geisler imminnut sulinngiffeqartinniarpoq. Kisianni tallimanngornerni suliartoqqinialersaarpoq, taamaattorli inuussutissarsiornermit tunuarniarluni pilersaarpoq.
- Qangali isumaliutigisarpara 100-liiguma suliunnaarniarlunga. Tamanna suli aalajangiusimavara ullorli suna suliunnaarnissara suli aalajangiutinngilara. Nalunngilara sulineq maqaasiumaarlugu. Kisianni tamatta killissaqarpugut. Qujanaqartumik peqqilluarpunga, naak tallima illua ippinnaraluartoq qanittumi orlunerma kingorna, Anthon Geisler oqarpoq.
100-nik ukiulik aalassarissoq pillugu AG-imi paasisaqarnerusinnaavutit, taassumalu aamma qanoq inuuissiornermini nalliuttorsiorniarnerluni oqaluttuaraa. Uani ataani linki aqqutigalugu isissutissarsigit: