MGP: Nina aamma Julie videomik saqqummersitsipput
Ukioq manna Melodio Grand Prixertoqarnissaanut piareersarnermut atatillugu Nina aamma Julie ataatsikkut nujalerisumukarput
Nunat tamalaat Melodi Grand Prixerneranni Danmark sinnerlugu Nina Kreutzmann Jørgensen aamma Julie Berthelsen peqataassanersut arfininngorpat aalajangerneqassaaq.
Kisianni unamminerup Herningimi aallartinnginnernerani nipilersugaq videomi sapaatiummat saqqummersinneqartumi tusarnaarneqarsinnaalereerpoq:
Tamatuma saniatigut erinarsoqatigiit taakku marluk unamminissamut piareersarput. Tassani ilaatigut nujalerisumiipput, tusarnaartitsilerunik nujaasa qalipaataat assigiinniassammata, Facebookimi ivertitami tamanna atuarneqarsinnaavoq.
Ullumi aqagulu Danmark tamakkerlugu radiukkut aallakaatitsisarfiit arlallit pulaaqattaarlugit nipilersugaq 'League of Light' nittarsaatissavaat. Aqqutaani Grand Priximi nipilersukkat ilisarisimaneqartut biilimi kissassiutigaat.
KNR unamminermit toqqaannartumik arfininngorpat nalunaaqutaq 16 aallakaatitsissaaq, Kalaallit Nunaannit aamma taasinissaq periarfissaassaaq.