Inge Olsvig Brandt: Arnat nipangersimaannarpallaaqaat

Inuiaqatigiit ataataanerpaanit aqunneqarput. Inuiaqatigiinni suniluunniit kinguaassiuutitigut innarliisoqartarpoqpinaasertunullu arneriniartoqartarluni. Arnalli nipangersimaannarpallaartaqaat. Nipangiussiinnarneruptaamaatinnissaanut piffissanngorpoq, Naligiissitaanermut siunnersuisoqatigiit allattoqarfiannipisortaq Inge Olsvig Brandt oqarpoq

Misissuinerpassuit takutippaat kinguaassiuutitigut nakuusernerit kanngutsaatsuliornerillu inuiaqatigiinni sakkortuumik eqquisartut. Ima atugaatigaat kalaallit arnat inuusuttut tamarmik pingajorarterutaat kinguaassiuutimikkut innarlerneqarsimallutik.

Naak kisitsisit amiilaarnaraluaqisut MeToo-mik ingerlatsineq iluamik Kalaallit Nunaannut apuussimanngilaq. Inuiaqatigiinnguit pisuusutut misigisimanermik kanngusunnermillu sakkortunermik eqqugaasassasut ilimanarnerugaluarpoq Hollywoodip aqquserngini qillariinnarni MeToo-p aallartiffianiit, arnaq oqaluttuarluni filmiliortitsisartumit Harvey Weinsteinimit kinguaassiutimigut innerlerneqarnini pillugu oqaluttuarluni. Kingorna pisoq taamaattoq nunarsuarmut tamarmut siaruaappoq, #MeToo atorlugu nunarsuarmi angutit pissaanilissuit uppitinneqarlutik. Weinstein ilanngullugu.

Ukiumik ataasinngortorsiornermi oqallitsitsineq

Tallimanngormat Nuummi NAPA, Nunat avannarliit ingerlatsiviat – MeToo-p ukiumik ataasinngortorsiornerani – misiliivoq Nuummi Katuami oqallitsitsinermi atugaanerata Kalaallit Nunaannut anngutsinnissaa anguniarlugu.

Tallimanngornerullu unnukkua oqallinnernik taamaattunik ingerlatsinissamut tulluarnerpaagunanngilaq – Netflixip atugaaruttulernerani tallimanngornikkullu mamakujuttortoqaleruttornerani. Inuimmi ikittuinnaat 30-t missaanniittut takkussimapput. Immaqali maannakkut nipangiussineq kipitinneqalissaaq.

Oqallitsitsineq pillugu aviisimi AG-mi paasisaqarnerugit – uani ataani isissutissarsigit:

Powered by Labrador CMS