Nissiaqqat Sermitsiallu 60-iliinera
Ukioq manna kingumut eqqumiitsuliortoq tamatigoortoq Maliinannguaq Marcussen-Mølgaard Sermitsiap juullimut saqqaani assiliartaliissaaq.
Kingumut nuannersunik eqqaasaqarnartuuvoq nissiararpassuaqarluni – nutaartatullu qaqqaq Sermitsiaq ungataaniilluni.
Maliinannguaq uani oqaluttuarpoq saqqaanik suliaqalerami suut eqqarsaatigisimanerlugit:
Qaqqaq ukkatarineqartoq
- Ukioq manna aviisi Sermitsiaq 60-inik ukioqalerpoq, taamaammat pingaartissimavara qaqqap taassuma kusanaqisup, ataqqinarpasillunilu Kalaallit Nutaata illoqarfiisa pingaarnersaanut ilisarnaataasup, aviisimullu Sermitsiamut atsiunneqarsimasup tunuliaqutiginissaa. Aamma Juullip Inuata nunaaniikkatta, sineriapput tamarmi nisserpassuaqarpoq. Ukioq mannalu nissit ilaat Nuummi silami juullip qaammataani susarnersut qalipakkami takuneqarsinnaapput.
- Aviisi Sermitsiaq nunatsinnut, tusagassiuteqarnerullu iluani pingaaruteqaqisoq, ukioq manna 60-iliinerani pilluaqqullugu, taama ukioq manna juullip aviisianut assiliartaliivunga. Tamassi juullimi pilluaritsi. Maliinannguaq Marcussen-Mølgaard allappoq.
Allaaserisaq tamaat ukioq manna juullimi aviisimi atuaruk – uani ataani linki aqqutigalugu aviisimut isissutissarsigit: