Michael Rosing politikkimut uteqqittoq

Nivi Olsen kommunimi politikeritut ukiumi ataatsimi sulinngiffeqarniarluni aalajangersimavoq. Taassuma sinniisussaa, partiimut allarluinnarmut siulitaasuusoq, taamaalilluni ilaasortaasinnaalerpoq.

Michael Rosing, Tillie Martinussen peqatigalugu Suleqatigiissitsisunik pilersitsisoq, naalakkersuinermik suliaqaqqilissaaq. Aviis AG taama allaaserisaqarpoq.

Inatsisartunut qinigaanngitsoorpoq, maannali paasinarsilluni Kommuneqarfik Sermersuumi sinniisussatut ilaasortanngussasoq.

Imminnut assortuuttumik Nivi Olsen ilaasortaaffianit taarsertussanngorpaa, oqaatigineqareersutut taanna kommunalbestyrelsimit ukiumi ataatsimi sulinngiffeqartussanngormat, ilaquttanilu Avannaanut nuukkallarnissartik pissutigalugu.

AG-p Michael Rosing oqaaseqartinniarlugu attaveqarfigimmagu uissuummilaarpoq, kisianni qinersisarneq pillugu inatsit taamatut paasisariaqartoq isumaqataavoq.

Qularnanngitsoq

Borgmester Asii Chemnitz Narup (IA) qularutissat tamaasa peerpai:

- Tamatumunnga atatillugu qinersinermi malittarisassani erseqqissorujussuarmik allassimasoqarpoq. Taamaalilluni qinigassanngortittuni sinniisussatut qinigaasoq ilaasortanngortussaavoq. Qinigassanngortittoq pineqartoq kingusinnerusukkut partimut allamut nuussimanera apeqqutaatinnagu, taanna oqarpoq

Tillie Martinussen sinniisuni siulliugaluarpoq, kisianni Suleqatigiissitsisuni Inatsisartunut qingaavoq, marlunnillu ilaasortaaffeqarusunngilaq.

Michael Rosingip kommunalbestyrelsimut ilaasortanngornissaminut piareerluni AG-mut ilisimatisivoq.

Allaaserisaq tamaat AG-mi atuaruk, taanna uani ataani isissutissarsiffigisinnaavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS