Paamiut

Assit: Utoqqaat illussaannik nappaanersiorneq

Innuttaasut 70-it missaanniittut peqataapput Paamiuni utoqqaat illussaani nappaanersiortoqarmat

Lokale håndværkere
Den kommende alderdomshjem i Paamiut forventes at stå klar til efteråret
Lokale håndværkere i Paamiut
Masser af kager til rejsegildet
Lokale håndværkere i Paamiut Kommuneqarfik SermersooqMasser af kager til rejsegildet Kommuneqarfik SermersooqDen kommende alderdomshjem i Paamiut forventes at stå klar til efteråret Kommuneqarfik SermersooqLokale håndværkere i Paamiut Kommuneqarfik SermersooqMasser af kager til rejsegildet Kommuneqarfik SermersooqDen kommende alderdomshjem i Paamiut forventes at stå klar til efteråret Kommuneqarfik SermersooqLokale håndværkere i Paamiut Kommuneqarfik Sermersooq

Pølset, sodavandit, kaffi, tii kaagillu najuuttunut sassaalliutigineqarput. Kommuneqarfik Sermersooq tusagassiuutinut nalunaarummi taama ilisimatitsivoq.

- Suliaq sivisuumik ingerlasimavoq. Kommunit 2009-mili kattummata Paamiuni utoqqaat illussaannik nutaamik sananiarneq pilersaarutaalersimavoq, maannakkullu kiisami iluatsippoq. Inuppassuit suliffeqarfiillu suliap piviusunngortinnissaanut suleqataasimasut qutsavigerusuppakka, borgmester Asii Chemnitz Narup tikilluaqqusilluni oqalugiarnermini ilaatigut taama oqarpoq.

Utoqqarnut 24-nut inissalik
Isumaginninnermut suliffeqarnermullu ataatsimiititaliami siulittaasoq, Charlotte Ludvigsen aamma oqalugiarpoq.

- Tamassinut qujarusuppunga uunga killiffitsinnut. Ammaanersiornissatsinnut qilanaarpunga, minnerunngitsumik atuisussat qilanaarput. Atuisussanut 24-nut inissaqartitsissaagut, naatsorsuutigisinnaavarpullu 2040-mi atuisut amerlanerussasut.

Utoqqaat illussaat ukiaru naammassissaaq. Illoq 1951 m2-voq 56 million koruuneqarsimalluni. Aningaasartuutit Kommuneqarfik Sermersooq Namminersornerullutillu oqartussat akornanni avinneqarsimapput.

Sulisut nunatsinneersut
Sanaartorfimmi aqutsisoq Finn Olesen Frederikshåb Betoncentral-meersoq aamma tulluusimaarpoq.

- Ulloq manna tikillugu nunatsinneersuinnarnik sulisoqarsimavugut, tamannalu assut tulluusimaarutigaarput. Nuanneqaaq aningaasat maani nunatsinni kaaviiaartissinnaagatsigit, kisianni aamma nuanneqaaq suliaq taamak annertutigisoq nammineq kivissinnaagatsigu. Tulluusimaarnaq, Finn Olesen oqarpoq, nangillunilu:

- Betoni 825 kubikmeteriusoq atorsimavarput, siornatigullu suliarisimasatsinnut sanilliussagaanni tamanna assut annertuvoq. Sulisorisimasagut tulluusimaarutigeqaakka.

Powered by Labrador CMS