Nalunaarusiaq: Nunani avannarlerni Nunarput kisimi innuttaasui ikiliartorput
Nunani avannarlerni innuttaasut amerliartortut Kalaallit Nunaat kisimiilluni innuttaasui ikiliartorput
Nunat avannarliit inuttussusaat pillugit Nunani Avannarlerni Naalakkersuisut Siunnersuisoqatigiivi nalunaarusioqqammerput.
Kalaallit Nunaanni innuttaasut ikiliartortut nalunaarusiami takuneqarsinnaavoq. Ilinniagaqassuseq suliffissaqarnerlu aamma nunanit allanit sanilliullugu annikippoq.
Sulisoqarnerup tungaatigut ukiuni kingullerni allannguuteqangaartoqarsimanngitsoq erserportaaq. 15-nit 65-inillu ukiullit amerliartorputtaaq.
- Kalaallit Nunaanni ilinniagaqassuseq unamminartuusoq nalunaarusiami erserpoq. Avannaanili nunanik allanik suleqateqarsinnaaneq periarfissaqarluarpoq, Napami pisortaq Mats Bjerde oqarpoq.
EU-mi kisitsisinut agguaqatigiisillugu Nunat Avannarliit inissisimalluarnerupput aningaasaqarnerup tungaasigut. Nunanit allanit aamma aningaasaliinerit 7 procentimik qaffariaateqarput, EU-mi 4 procentiusoq.
