Gå til hovedindhold

Arnaq inuussutissarsiuutigalugu aalisartunngortoq

Arnaq 39-nik ukiulik Qaqortuminngaanneersoq qaleralinniarsinnaanermut saarullinniarsinnaanermullu akuersissuteqalerpoq

Procesteknikeritut ilinniagalik Malu Ravn Qaqortuminngaanneersoq ullumi qaleralinniarsinnaanermut saarullinniarsinnaanermullu akuersissummik tunineqarnermi kingorna aalisartutut imminut taasinnaalerpoq.

Malu Ravn Inuilimut attuumassuteqarluni nuna tamakkerlugu aalisartunu piniartunullu eqqiluisaarnermik pikkorissaasartutut sulisimanini pissutigalugu pikkorissaasartutut namminersortoorusussimangaluarpoq, kisianni:

- Uumasut nakorsaqarfianit ilitsersuisartutut akuersissummik tunineqarsinnaannginnera pissutigalugu iluatsinngitsoorsimavoq, Malu Ravn Sermitsiaq.AG-mut oqarpoq nangillunilu:

- Aalisarnerlu nuannareqingakku ukioq naalersoq umiatsiaaqqamik 16 fodsimik 85 hk-inillu sakkortutigisunik aquuteralattalimmik pisivunga, aalisarnermullu akuersissut qinnuteqaatigalugu.

Amoorutitalimmik ningittagarsorniartoq

Malu Ravn Narsap eqqaani qaleralinniarlunilu saarullinniassaaq Royal Greenlandillu Narsami tunitsivianut tunisisassalluni:

- Narsap eqqaa qaleralinnik peqarluarpasippoq, ningittangarsorlungalu aalisassaanga.

Malu Ravnilli ningittangarsorluni misilinnikuunngisaannarsimavaa. Taamaammik angummik aalisaqartissaminik pissarsimavoq:

- Ataatama amoorutigisimasaa nammineq amuartagaq aallarniutigalugu ningittakkanut amoorutigisassavarput, Malu Ravn oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER