Qarasaasiatigut ajornartorsiorneq
Qarasaasiatigut ajunartorsiuteqarneq pisortaanissarsiornermut eqquisoq
Kommuni ingerlatsivinni assigiinngitsuni pisortassatut inuttassarsiuinermut piffissaliussaq Avannaata Kommuniata sivitsopaa
Qaasuitsup Kommuniani qarasaasiat ajutoortitsisaqattaarput.
Tamatumami kingunerisaanik, Avannaata Kommunissaani ingerlatsivinni assigiinngitsuni pingasuni pisortassatut inuttassarsiuinermut piffissaliunneqartoq 15. novemberimut kinguartinneqarpoq. Kommunaldirektør Sivso Dorph tusagassiuutinut nalunaarummi allappoq.
Sapaat 29. oktober qinnuteqarfissamut killiliunneqarsimangaluarpoq.
- Ulluni taakkunanerpiaq Qaasuitsup Kommuniani qarasaasiat nutarterneqarput. Ajuusaarnartumik paasivarput pisortassatut qinnuteqaateqartut ilaat tigusimanatigit, Sivso Dorph allappoq.
Ataatsimoorullugu Ingerlatsivimmut, Attaveqarnermut Sanaartugassanut Avatangiisinullu kiisalu Kulturimut, Atuartitaanermut Sunngiffimmut, Paaqqinnittarfinnullu pisortassarsiornermi piffissaliunneqartoq sivitsorneqarpoq.
- Pisimasoq ajuusaarutigaarput, Sivso Dorph allappoq.