tusagassiutit
KNR-mi quiasaarut nutaaq
Labrador Kangian ingerlatsisut nutaamik quiasaarusiorput taaguuserlugu ’Kalak’
Annonse
Eqaluk Høegh aamma Martin Brandt Hansen narrujuummisitsisarlutillu quiasaarisarput Labrador Kangin. Maanna quiasaarut nutaaq atorlugu saqqummeqqilerput.
Taakku quiasaarusiartik nutaaq taasimavaat Kalak assigiinngitsutigut pikkorliulaarnermut oqaasertaliunneqarajuttoq.
- Isiginnaartut angallammut ilaatinneqarput, aallakaatitassiamilu ilanngutassiat avataaneersut takutinneqartassallutik. Nangeqattaartorlu piviusumik tunngavilik ”Kakkannerpaat”, Suufu Tuumalu malinnaavigineqarsinnaallutik, aallakaatitassiap saqqummiisorai Martin Brandt Hansen aamma Eqaluk Høegh taama oqarput.
Aallakaatitaq sisamanngornermi nalunaaqutaq 20.30 aallakaatinneqassaaq.