Skip to main content

X-Factorimi naliliisartoq Nunatsinni pisortanut isumassarsisitsiniaassasoq

X-Factorimi naliliisartoq Thopmas Blachmann Nunatsinni pisortat iluatsitsilluartumik ingerlatsinissamut isumassarsisitsiniaallutik saqqummiussisussat ilagaat. Arktis Ledelsep ukioq manna pisortat ataatsimeersuartinneqarnissaannut isumassarsisitsiniaasussat saqqummiunneqaqqammerput, taakku ilagaat Løvens Hulemi ilaasartoq aamma uukapaatitsiniarnermik ilisimasalik.

Iluatsitsilluarusunneq suliffeqarfinni pisortatut anguniagaqarusuttartut ilisarnaatigisarpaat.

- Iluatsitsilluarnerli suua, taamatut aperivoq X-Factorimi naliliisartoq Thomas Blachmann, taanna Sermersuumi Inuussutissarsiornermut immikkoortortap Flies HR Consulting suleqatigalugu Arktis Ledelsep ataatsimeersuarnissaanik aaqqissuussimasaani oqalugiartut ilagissavaat.

Oqaligiartoqarnerani iluatsitsilluarnermut tunngatillugu sammineqartut arlallit tusarnaartunit isummerfigineqartassapput. Aningaasat, pitsaasumik suliffeqarneq asanninnerluunniit pineqarpat.

Løvens Hulemi aningaasaliisartoq

Oqalugiartussat allat marluk aamma TV-kkut saqqummilaartuusarput, taakkulu ataatsimeersuarnermi pisortatut isumassarserusuttut takkunnissaannut kajumitsilissagunarpaat.

Jesper Buch

Aallarnisaasoq Jesper Buch oqalugiartussat ilagaat. Taassuma ilaatigut suliffeqarfimmik Just-Eatimik aallarniisimanini aamma aallakaatitassiami Løvens Hulemi aningaasaliissuteqartartuunini ilisimaneqaatigaa.

Jan Hellesøe qarasamik sulilersitsisartutut oqaatigineqartartup, eqqumaffiginngisamik iliuutsit piaaraluni iliuuserineqarsinnaanersut apeqqusertarpaa. Eqqarsartaatsikkut uukapaatitsillaqqissorsuaq tv-kkut aallakaatitassiani taamugaannaq eqqarsaasersuutit atorlugit eqqarsartaatsillu allat atorlugit uukapaatitsisarpoq.

Uukapaatitsissarnermik takutitsinissaq

Jan Hellesøe oqarpoq ajugaqanngitsuunani, "periutsilli" "siumut takunnissinnaasuusaartartut" atortagaat atortarai, pisussanik saqqummiussami allassimavoq. Uukapaatitsineq, hypnose piviusuunngitsunillu takusorisaqartarneq ataatsimoortillugit sammisaqalerpat paasiuminaassinnaasunik tusarniaariat takutitsiffigineqassapput.

Jan Hellesøe

Flies HR-imeersup Josephine Kjærgaardip Sermitsiaq.AG-mut ilisimatitsissutigaa oqalugiartussat sisamaassasut, sisamaalli kinaanersoq suli ilisaritinneqarusunngitsoq, ataatsimeersuarnermut peqataasunut "bonusissaq" pineqarmat.

Ulloq alla sillimmatissatut inissineqarsimasoq

Katuami Nuummiittumi maajip 18-iani ataatsimeersuartoqassaaq, aaqqissuisulli corona akornusiissappat septembarip 22-at ataatsimeersuarfissatut inissereersimavaat. Peqataaniaraanni Arktisk Ledelsemi ilaasortaasariaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER