Nuuk

WWF Verdensnaturfonden Nuummi aallaffittaarpoq

Nunuarsuarmi pinngortitamik avatangiisinillu suliniaqatigiiffiit siullersaattut WWF Kalaallit Nunaanni illoqarfiit pingaarnersaanni allaffittaarpoq. Allaffiup ammarneqarnera soqutiginnittunut tamanut kaffillernermik nalliussineqassaaq

Flag, isfjelde, grønlandsk
Biolog Kaare Winther Hansen WWF Verdensnatufondenimi atorfinitsinneqarpoq
Leiff JosefsenBiolog Kaare Winther Hansen WWF Verdensnatufondenimi atorfinitsinneqarpoq Privat Leiff JosefsenBiolog Kaare Winther Hansen WWF Verdensnatufondenimi atorfinitsinneqarpoq Privat Leiff JosefsenBiolog Kaare Winther Hansen WWF Verdensnatufondenimi atorfinitsinneqarpoq Privat

WWF Verdensnaturfonden oktobarip aallaqqaataani Nuummi immikkoortoqarfittaarpoq.

Pinngortitamik avatangiisinillu suliniaqatigiiffik sulisumik atorfinitsitsivoq, illoqarfiit pingaarnersaanni allaffimmi ammaqqammersumi aallaaveqartussamik.

Taamaasilluni WWF nunarsuarmi avatangiisinik pinngortitamillu suliniaqatigiiffinni siullersaalluni Kalaallit Nunaanni immikkoortoqarfeqalerpoq.

Kalaallit Nunaannik ilisimasaqarneq pitsaanerulissaaq

– Tamatigut pingaartilluinnartarsimavarput sulisutta, issittumi sulinissamut atorfinitsitaasut, Kalaallit Nunaannut Issuttumullu iternga tikillugu ilisimasaqarnissaat. Kisiannili soorunami pitsaaneruvoq maanna ulluinnarni Kalaallit Nunaanniilissagatta. Politikerit, ingerlatsiviit kattuffiillu oqaloqatigigaangatsigit tamanna apersuutigisarsimavaat, WWF Verdensnaturfondenip generalsekretæria Gitte Seeberg oqarpoq.

Allaffiup ammarneqarnera qaammammi matumani kingusinnerusukkut Nuummi allaffittaami Tuapannguit 20- mi kaffillernermik nalliussineqassaaq.

WWF Verdensnaturfondenip Kaare Winther Hansen Nuummi allaffimmut atorfinitsippaa.

Ineriartorneq atasinnaasoq

Taanna biologiuvoq Kommuneqarfik Sermersuumilu avatangiisinut immikkoortoqarfimmi sulisimalluni, siusinnerusukkullu ukiuni arlalinni Namminersorlutik Oqartussani atorfeqarsimalluni. Taanna ukiuni arfineq-marlunni Nuummi najugaqarsimavoq kalaallinilu ilaqutaqarluni.

– WWF Verdensnaturfondenip sinniisuuffiginissaa qilanaaraara qilanaaralugulu avatangiisit pinngortitarlu pillugit aammalu Kalaallit Nunaanni ineriartorneq atasinnaasoq pillugu ataavartumik oqallinnermi peqataanissara. Pingaaruteqarpoq qulakkiissagipput pinngortitap nalissaqanngitsip Kalaallit Nunaanni inuuffigisatta paarilluarnissaa, taanna oqarpoq.

Assigiinngisitsisoq

WWF Nunavutimi illoqarfiit pignaarnersaanni, Iqalunni, ukiuni arlalinni allaffeqarsimavoq, taamatuttaarlu WWF Canadap issittortaata sinnerini, Alaskami Ruslandillu issittortaani allaffeqarpoq.

– Issittup sinneranit misilittakkat uppernarsarpaat ulluinnarni najuunneq assigiinngisitsisuusoq. Suliniaqatigiiffik oqaloqatiginninniartuuvugut, aporaanniartuunngitsoq, imminullu kiinarsillulni oqaloqatigiinneq pitsaaneruvoq, Gitte Seeberg oqarpoq.

WWF pinngortitamik avatangiisinillu suliniaqatigiiffiit annersaraat, nunarsuarmi tamarmi 5 millionit sinnerlugit tapersersortilik, nunanilu 100-t sinnilinni allaffilik.

Powered by Labrador CMS