nannut
WWF: Pisassat amerlineqarnerat isumaatsuliorneruvoq
Nutaamik annertuumillu misissuinikkut Avannaani nannut ilimagisamit amerlanerusut paasineqarpoq. Maanna ilisimatuut kisitsisimasut nannut ikilisinneqarnissaannut qanoq amerlatigisut pisarineqassanersut naatsorsoqquaat
Baffin bugtimi nannut ilimagisamit amerlanerunerat pissutigalugu politikerit pisassat amerlineqarnissaat eqqarsaatigisariaqanngikkaluarpaalluunniit.
Akerlianik nannut maanna pigineqartut, sivisuumik nungusarneqartutut isigineqarsimasut, amerlassusaat qularnanngitsumik attatiinnarneqarsinnaavoq.
Taama oqarpoq WWF, manna tikillugu Baffin bugtimi, avannarpasinnerusumilu Kane Bassinimi, nannut amerlassusaannik aatsaat taama annertutigisumik kisitsisimanerup kiisami tamanut saqqumiunneqarnerata kingorna.
Kisitsinerup takutippaa kingullermik 1990-ikkunni kisitsinermi ersissutigineqartumit nannut amerlanerungaatsiartut, taamanikkut kisitsineq kukkuneqarsimammat pissutigalugu nannut immap sikuaniittut qeqertallu Baffin Islandip kangerluisa qinnguaniittut ilanngunneqarsimanngimmata.
- Silap pissusiata allanngoriartornera pissutigalugu nannunik salulligaluttuinnartunik ikinnerusunillu piaqqiortalersunik pisassat amerlineqarpata tamatumuunakkut amerlassusaat ulorianartorsiortinneqassaaq, pissutigalugu avatangiisiminnit tatigineqareermata, Kaare Winther Hansen, WWF Verdensnaturfondenip Kalaallit Nunaanni sinniisua oqarpoq.
Allaaserisaq tamaat AG-mi uani sapaatip akunnerani saqqummertumi atuaruk. Aviisi uani pisiariuk: