Skip to main content

WWF: Namminersorlutik Oqartussat appat pillugit pimoorussinngillat

Verdensnaturfonden WWF-ip appat pillugit Namminersorlutik Oqartussat isornartorsioqqippaat

Septembarip aallaqqaataani appanniarneq Tunumi aamma Qeqqata Kommuniata avannaani aallartippoq.

Piniarneq qaammat ataaseq ingerlareersorlu Namminersorlutik Oqartussat suli timmissanut pillugit nalunaarut nutaaq piariinngilaat, taassuma piniarnerup sivisussusaa annertuumik killilertussaagaa naatsorsuutigineqarpoq, tamannalu Verdensnaturfondenimit WWF-mit isornartorsiorneqarpoq.

Pimoorunneqartariaqartoq
Kaare Winther Hansenip WWF-meersup Namminersorlutik Oqartussat isornartorsiorpai, appat pillugit pisut pimoorussiffigineqanngitsut taassuma oqaatigaa.

- Pimoorussisuugunik maleruagassat nutaat pisariaqarluinnartut piniarnerup aallartinnginnerani piareereersimassagaluarpaat, taanna oqarpoq.

Atuaruk: Misissuineq: Appat eqqissisimatilluinnarneqarnissaat innuttaasut kissaatigaat

Appaqarfiit tallimat uumasueruttut
1990-ikkut aallarinnerannili appat amerlassusaat 35-40 procentinik ikileriarnikuupput, Qaanaap eqqaani appaqarfiit eqqaassanngikkaanni, appaqarfinnit 19-iusunit 13-it annertuumik appariartorfiupput, appaqarfiillu tallimat uumasuerutereerput.

Tamatumalu Pinngortitaleriffik ukiuni qulini piniaqqusinnginnermik kajumissaaritippaa.

Taamaattumi WWF-ip neriuutigaa, Namminersorlutik Oqartussat nuna tamakkerlugu piniarnerup oktobarip 15-ani ammannginnerani, appat pillugit suliatik naammassiumaaraat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER