Skip to main content

WWF: Kinguaariit tullii appatugassaqanngillat

Naalakkersuisut timmissat pillugit siunnersuutiminnik nalunaarutertik ilumoorsaarukkunikku, appat nungunnissaat Verdensnaturfondenip ernumassutigaa

Aalisarnermut, piniarnermut nunalerinermullu naalakkersiusoq, Karl-Kristian Kruse aalajangiissaguni, siunissami appanniarneq sivitsorneqassaaq killormoortuaniunngitsoq.

Tamanna ippassaq sisamanngornermi, IA-meersup Naaja Nathanielsenip apeqqutaanut Naalakkersuisut akissuteqarmata tamanna ersarissivoq.

Inunnit ernumassutigineqartoq
Naalakkersuisut timmissat pillugit politikkiat illersuiniaqatigiiffimmit, WWF Verdensnaturfondemit ernumanermik pilersitsivoq.

- Ilunngarlunga neriuutigaara, Naalakkersuisut isumatusaalissasut suliamullu ilisimasaqartunut tusaaniarlutik, Nuummi WWF-ip allaffeqarfiani biologi Kaare Winther Hansen oqarpoq.

- Kalaallit Nunaanni 1990-ikkunnili timmiaqarfiit tallimat appaarunnikuuagut. Appaqatigiiaallu sumiiffii 19-iusunit 13-it kiserngoruttut ikileriarujussuaqqapput.

Atuaruk: Appat ikileriarujussuartut

Killiliinissamik neriuuteqaraluartoq
Timmissat pillugit nalunaarusiamik missingersuummik Naalakkersuisut saqqummiussinikuupput.

Pinngortitaleriffiup eqqissisimatitsivikkallarnissamik imaluunniit ukiukkuinnaq qaammat ataaseq piniarneqarsinnaaneranik innersuussutaa, tassani malinneqassanngitsoq aalajangiunneqarpoq.

Atuaruk: Kalaallit Nunaat Issittumi piniapiluttutut pasillerneqarpoq

Appat ukiuni 20-25-ini kingullerni amerlassutsimigut 35-40 procentinik ikileriarsimapput, Qaanaap eqqaaniittut eqqarsaatigissanngikkaanni.

Ajalusoortoqarnissaa ersigineqartoq
Piffinni arlalinni amerlassutsit 60 procentinik ikileriarsimapput, timmiaqatigiiaallu Innami Ilulissat eqqaaniittumi nunguinnissaminnut qanillisimapput.

- Naalakkersuisut innersuussutigineqartoq akueringagu upernaakkut piniartarnissamik piffinni arlalinnik eqqussiniarnerat ajorluinnassaaq, appallu Kalaallit Nunaanni piaqqiortut amerlassusaannik ajalusoortitsineranik kinguneqarnissaa ilimanarluinnarluinnarpoq, Kaare Winther Hansen taama naliliivoq, nassuerutigaalu ikileriarujussuarnerat piniarnerinnarmik pissuteqanngitsoq, kisiannili aamma silap pissusiata allanngoriartornera pissutaasoq.

Timmissanik nerisassaarutissasoq
Piniarnerli maannakkorpiaq aaqqiissutaasinnaasoq, taanna tunngavilersuivoq.

- Uungaannaq killilimmik eqqarsarutta, ernuttatta appa unnukkorsiutigisinnaanavianngilaat. Timmiaqatigiiaanik annaasaqarutta, uteqqinnissaat takussutissartaqanngilaq, biologi WWF-imeersoq erseqqissaavoq.

Atuaruk: Peqatigiiffik appanik ernumassuteqartoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER