Issittoq
WWF Eskimologip matuneqarnera pillugu: Sianiilliorluni aalajangerneq
WWF-mi pisortap Gitte Seebergip Eskimologimik ilinniakkap pingaarnerutinneqannginnera paasisinnaanngilaa, naak illuatungaanik Issittumik aallussinerunissaq kaammattuutigineqaraluartoq
Sermitsiaq.AG-p arfininngormat Københavns Universitetimi ilinniakkap Eskimologip 2016-imi ilinniartoqartarnertik sipaarniarlutik unitsinneranik oqaluttuarnerata kingorna, isornartorsiuisut maanna amerlanerusut ilanngupput.
Eskimologimi aamma Arktiske Studiemi ilinniartup, Ortu Mørch Olsenip, aalajangiineq paasisinnaanngilaa, folketingimilu ilaasortaq Aaja Chemnitz Larsen (IA), pingaarnersiuineq kukkulluinnartoq isumaqarpoq.
Verdensnaturfonden WWF-ip aalajangerneq maanna aamma isornartorsiorpaa.
Atuaruk: Eskimologi-p matuneqarnera ilinniagaqartut tupassutigeqaat
Issittumik aallussinerulerneq
WWF-ip pisortaa Gitte Seeberg isumaqarpoq, Issittumi politikkimik aalajangerneq pingaartitsinnginnermik ersersitsinerusoq.
- Aalajangerneq sianiilliorluinnarneruvoq, Gitte Seeberg ilinniakkap pingaartinneqannginneruneranut tunngatillugu oqarpoq.
Atuaruk: Aaja: Eskimologi pingaarnerutinneqannginnera kukkulluinnarpoq
Ilisimasanik annikillisaaneq
Taama iliorneq takutitsinerlunnerusoq, WWF-imi pisortaq isumaqarpoq.
- Kalaallit Nunaannut Issittumullu pisinnaasagut aamma ilisimasagut, piffissami killormoortorluinnaanik pisariaqartitsisoqarnerani annikillisinneqassapput, Gitte Seeberg oqarpoq.
Universitetip Eskimologimi ilinniarfimmi ilinniartoqartarunnaarnissaanik aalajangerneq, ambassadørip Peter Taksøe-Jensenip marlunngornermi Politikenimi Københavnimi naalakkersuisunut, Issittumik aallutaqarnerunissaannik kaammattuuteqarnerata nalaani oqaatigineqarpoq.
Nunanut allanut ministeri Kristian Jensen (V) pingasunngornermi Issittoq aamma EU pillugit ataatsimiinnermik ammaavoq.
Atuaruk: Issittoq aamma EU pillugit isornartorsiorneqareerluni ataatsimiinnermik ammaasoq