Skip to main content

WWF: Appat upernaakkut piniarneqartarnerat unitsinniarli

Verdensnaturfonden WWF-ip appat upernaakkut piniarneqartarnerisa unitsinneqarnissaat Naalakkersuisunut sakkortuumik kajumissaarutigaat

Qaammat ataatsip missaa qaangiuppat, apriilip 15-anni aqutsiveqarfimmi Upernavimmi aamma Uummannami appanniarneq aallartissaaq - sumiiffiit upernaakkut maannamut piniarfiusimanngikkaluartut.

Naalakkersuisut Pinngortitaleriffimmit innersuussutigineqartut malinnianngikkaat Verdensnaturfonden WWF-ip paasisinnaanngilluinnarpaa, tassani appat qanoq nungukkiartortiginerannik aamma upernaakkut piniartarneq appaqassutsimut qanoq ajoqutaasinnaatiginera oqariartuutigineqaqattaartuarpoq.

Atuaruk: Appat eqqissisimatinneqannginnerat KNAPK-mit nuannaarutigineqarpoq

Allannguinissamut kajumissaasut
- Sumiiffinni nutaani upernaakkut piniarnermik eqqussineq ernuttatta qaqqat timmiaqarfiit takunnginnissaannut aamma appatunnginnissaat kissaatiginngikkaanni isumaqanngilluinnarpoq, biologi aamma WWF Naturfondenip Nuummi immikkoortoqarfiani ataqatigiissaarisoq Kaare Winther Hansen, tusagassiuutinut nalunaarummi oqarpoq.

Upernaviup Uummannallu eqqaani upernaakkut piniarsinnaanermut Naalakkersuisut aalajangernertik allanngortissagaat sakkortuumik taassuma kajumissaarutigaa.

- Qujanartumik suli angumerineqarsinnaavoq, taanna oqarpoq.

Atuaruk: Timmissat pillugit nalunaarut tunuartinneqartoq

Upernaakkut piniarneq ajoqutaanerusoq
WWF naapertorlugu Qaanaap eqqaani appaqassuseq kisimi allanngujuitsuuvoq, tassanilu upernaakkut appanniartoqarsinnaanerarpaat. Nunap sinnerani appaqarfiit nungutitaariaannaapput imaluunniit ikiliartupiloorujussuarput.

1990-imiilli Upernaviup kujataani appaqarfiit 74 procentimik ikileriarnikuupput, avannaanilu appaqarfiit 46 procentimik ikileriarnikuupput, Upernaviullu kujataani appaqarfiit marluk 2003-miilli nunguissimapput, appaqarfiillu marluk sinneruttut nunguinnissamut ulorianartorsiorput, Pinngortitaleriffik ilisimatitsivoq.

Upernaakkut piniarneq ajoqutaaneruvoq, Kaare Winther Hansen oqarpoq.

- Kalaallit Nunaanni piaqqiorfiit ulorianartorsiortinneqartut timmissat piaqqiornissamut periarfissinneqannginneranni eqqorneqassapput. Ukiukkullu piniarnerup killilerneqarnerata nammassinnaangilaa, timmissat taakku ukiukkut pisarineqartut nunanit allaneersuusarmata. Upernaakkut piniarnermik ammaassineq Kalaallit Nunaanni piaqqiortartut amerlassusaannut ajalusoortitsisinnaavoq. Politikerit uani suliami silatusaarnissaat kikkut tamarmik soqutigisaraat, Kaare Winther Hansen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER