Skip to main content

WTO-p aalajangiinera: Nerisassanut ministerip Doris naqqippaa

Nerisassanut ministerertaap nassuiarpaa WTO-p aalajangiinera qanoq paasineqassasoq

– Naalakkersuisut paasisinnaalluarpaat puisinniarneq Kalaallit Nunaannut pingaaruteqarmat aammalu nunani tamalaani annertunerusumik ilisimaneqarlunilu akuersaarneqartariaqartoq issittumi inuiaqatigiit inooriaasiat aammalu puisinniarneq inuussutissarsiutaammat unioqqutitsinerunngitsoq nungusaataanngitsorlu, nerisassanut ministeri Dan Jørgensen, Socialdemokraterne, allappoq.
Taamatut akissuteqarpoq folketingimut ilaasortamut Doris Jakobsenimut, Siumut, taassuma juullip siuninngua apeqqutigimmagu Kalaallit Nunaata naatsorsuutigisinnaaneraa Dan Jørgensen neisassanut ministeritut nutaatut aamma kalaallinut piniartunut ministeritut atuutissanersoq, maanna naalagaaffik tamaat EU-mut sinniisuuffigilermagu. Ilaatigut innersuussutigaa Dan Jørgensenip qanga EU-p puisinik tunisassianik eqqusseqqusiunnaarnera tapersersimagaa.
Doris Jakobsen ilaatigut allappoq kalaallit puisit amiinik EU-mut tunisartagai appariarujussuarsimasut, EU puisinit tunisassianik eqqusseqqusiunnaarmalli, inuit pisaannit immikkut atugassaqartitsilluni aaqqissuussisoqarsimagaluartoq.
– Ilanngullugu WTO-p immikkut atugassaqartitsineq taanna unioqqutitsinertut nalilerpaa, tamatumalu kingunerisinnaavaa Danmarki kalaallit tunisassiaannik niuernikkut inissisimalersoq, Savalimmiut aalisakkanik EU-mut eqqusseqqusiunnaarnerannut assingusumik. Ilaatigut pissutigalugu Europamiut ilisimatuussutsikkut tunngaveqanngitsumik illuinnarsiortumillu puisinniarnermut akerliuniarnerat Dan Jørgensenip tapersersorsimammagu, Doris Jakobsen allappoq.
Aamma atuaruk: Nerisassanut ministerertaap EU-p eqqusseqqusinnginnera suli tapersersorpaa?
Dan Jørgensenili isumaqanngilaq inuit piniarnerannut manna tikillugu immikkut atugassaqartitsinermik aaqqissuussineq WTO-p unioqqutitsinertut nalilinngikkaa.
Taamaasilluni Dan Jørgensen allappoq WTO-Paneli naliliisoq EUp puisinik tunisassianik eqqusseqqusinnginnera WTO-p malittarisassaanut akerliunngitsoq, kiisalu ´inunnut immikkut atugassaqartitsineq´ aamma taamatut WTO-p malittarisassaanut akerliunngitsoq, immikkulli atugassaqartitsinerup atuutsinneratigut kalaallit aamma inuiaqatigiit inuit allat puisinik tunisassiaat immikkoortinneqartut, tamannalu WTO-mut akerliusoq.
Tassa Dan Jørgensen naapertorlugu inunnut immikkut atugassaqartitsinermik aaqqissuussineq unioqqutitsinerunngilaq. WTO-lli malittarisassaanut unioqqutitsineq tassaasoq Kalaallit Nunaannit inuiaqatigiinnillu inunnit allanit puisinik tunisassiat immikkoortinneqarnerat.
Aamma atuaruk: WTO: Inunnut immikkut atugassaqartisineq unioqqutitsineruvoq
Aamma atuaruk: Puisit amiinik WTO-p aalajangiinerani Nunarput annaasaqarnersaavoq
Ingerlateqqinneqassaaq
Ilanngullugu Dan Jørgensenip naatsorsuutigaa WTO-p aalajangiinera ingerlateqqinneqassasoq.
– Taamattumik siusippallaaqaaq oqaatigissallugu kinguneqaatissat suusinnaanersut. Qularnanngilaq Kalaallit Nunaannut erloqinartuusoq aalajangiineq isumaqarpat puisit amiinik tunisassianik EU-mut tunisisinnaaneq suli killileqqinneqarpat, taanna allappoq.
Dan Jørgensenip erseqqissarpaa EU-mut suliassami matumani Kalaallit Nunaata soqutigisaanik isumaginninnermi naalakkersuisut kalaallit naalakkersuisuinik qanimut suleqateqarnertik tapersersuinertillu nanginniaraat.
– Nerisassanut ministeritut oqartussaaffeqarfinni suliassaq tamanna tamakkiisumik tapersersorpara, Dan Jørgensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER