Skip to main content

Wangenheim akissutiserusuppoq

Anna Wangenheimip (D) Naalakkersuisoq Naaja Nathanielsen (IA) aatsitassanut pinerluttulerinermullu inatsimmut tunngatillugu ersarinnerusunik akissuteqaqquaa. Taamaammat §37 atorlugu apeqqutinik arlalinnik nassiussaqarpoq.

Anna Wangenheimip naalakkersuisoq Naaja Nathanielsen akisussaaffimmi ataani arlalinnut tunngatillugu ersarluppallaartumik akisimanerarpaa. Naaja Nathanielsen Inatsisartuni sapaatip akunnera kingullermi apeqqarissaarfigineqarpoq. Anna Wangenheimilli apeqqarissaarnermi akissutini naammagerpasinngilai.

Naaja Nathanielsenip oqaluttarfimmit akissuteqaatai aallaavigalugit §37 atorlugu apeqqutinik arlalinnik Wangenheim nassiussaqarpoq.

Anna Wangenheim naapertorlugu Ineqarnermut, Attaveqaasersuutinut, Aatsitassarsiornermut, Inatsisit atuutsinneqarnerannut Naligiissitaanermullu Naalakkersuisoq Facebook aqqutigalugu Arctic Circle Assembly Islandimi oqalugiarsimanini ussassaarutigisimavaa, oqarlunilu aningaasaleerusussuseqarluartoqartoq.

Sulisitsisut oqarneranut killuuttoq

Tamanna pillugu Demokraatit sinnerlugit Inatsisartuni ilaasortaq paasisaqarnerorusuppoq.

- Aatsitassaarsiornermut Naalakkersuit sunik suliniuteqarsimappat, aningaasaleerusussutsimik annertusaasimasunik? ilaatigut apeqqutigineqarpoq.

Anna Wangenheim tassunga atatillugu Naalakkersuisut ivertinneqareernermi kingorna suliniutinik aallartissimasaminnik, "qularutissaanngitsumik aningaasaleerusussusermik pitsanngorsaataasimasunik", nalunaarsuusioqqusivoq.

Taamami oqariartuuteqartoqarsimanera Anna Wangenheimip tupaallaatigaa.

- Oqaaseqaat tupaallannartoq, tassami Sulisitsisut Kattuffiat (GE) sapaatit akunnerini kingullerni killormorluinnaq oqaaseqarmata. GE-p Inatsisartunilu illuatungiliuttut piffissaagallartillugu aatsitassarsiornermi naalakkersuinerup allanngorartuunera isornartorsiorpaat, nunani allani suliffeqarfiit aningaasaleerusussusaannut naapertuutinngimmat, §37 atorlugu apeqqutimini allappoq.

 - Isumaqanngilanga, Ineqarnermut, Attaveqaasersuutinut, Aatsitassarsiornermut, Inatsisit atuutsinneqarnerannut Naligiissitaanermullu Naalakkersuisup pisinnaatinneqartoq oqaatsinik isumalluarnartunik oqariartoqattaarnissaminut, piviusunik tunngavissaqanngikkuni. Piviusunik ammasumillu oqariartuuteqartarneq siunissami pitsaanerpaavoq, taamaasilluta suliat eqqortumik tunngavilersorluakkanillu aallaavillit oqallisigisarniassagatsigit, isornartorsiuivoq.

Kikkut uagutsinnut isumassarsiortaramik?

Anna Wangenheim nunatsinni pinerluttulerinermut inatsit taassumalu nunani allanit isumassarsiorfittut isigineqartarnera pillugu aamma paasisaqarnerorusuppoq. 

Nunat suut Kalaallit Nunaat attaveqarfigisimavaat pinerluttulerinermut Inatsipput isumassarsiorfigalugu?  Nunanit taakkuninnga kikkut, toqqaannartumik kissaatigisimavaat pinerluttulerinermut inatsisitta ilusilersorneranut issuaajumallutik? Taamaassimappat, nunat sorliit?, Anna Wangenheim aperivoq.

Apeqqutimini tunngavilersuutigaa Ineqarnermut, Attaveqaasersuutinut, Aatsitassanut, Inatsisit atuutsinneqarnerannut Naligiisitaanermullu Naalakkersuisoq ataatsimiinnermi oqarsimammat Kalaallit Nunaanni pinerluttulerinermut inatsiseqarneq pillugu nunanit allanit isiginiarneqartartoq.

- Isumaqarpunga ima paasineqarsinnaasoq, nunat assigiinngitsut, Naalakkersuisunut saaffiginnissimasut inatsisitta isumassarsiorfiginissaanut imaluunniit issuarnissaa siunertaralugu. Nunanit allanit suliassanik suliarinnittarnitta soqutigineqarnera isumaga malillugu tungavileersuutitut atorneqarpoq, pinerluttulerinermut inatsit attatiinnarneqassasoq pillaasarnermik inatsimmik pilersitsininngarnik, Wangenheim tunngavilersuivoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER