akiitsut
Wæver: Pissutsit akuersaarneqarsinnaanngillat
Kommunit kattussuummatali akiitsut 30 millioner koruunit sinnerlugit amerleriaateqarput
Kommune Kujallermi akiitsut isumakulunnartumik amerliartupiloorput.
2009-mi kommunit kattussuummata nunatsinni kommunit minnerpaartaanni akiitsut 47 millioner koruuningaajaapput – ukiut tallimat qaangiunneranni 30 millioner koruunit sinnerlugit amerleriarsimapput.
– Pissutsit attanneqarsinnaanatillu akuersaarneqarsinnaanngillat, akiitsut qaffariaataannaat uatsinnut ukiumut akileraarutit procentiata ataatsip missaanik uatsinnut naleqarmat, borgmesteri Jørgen Wæver Johansen oqarpoq.
Kommune Kujalliup akiitsut amerliartuinnartut qaangerniarumallugit. Kiffarmik aaqqissuussineq Akileraartarnermut Atugarissaarnermullu Ataatsimiititaliamit Savalimmiuni periuserineqartoq tunngavigalugu marsimi 2011-mi isumaliutissiissummi inassutigineqartoq
periarfissatut tikkuarpaa.
Kommune Kujallermi pisartartut allat, allaaserineqartorlu tamaat sapaatip akunneranut saqqummersartumi Tamanut-mi atuarneqarsinnaapput. Aviisi akeqanngitsumik ataani aaneqarsinnaavoq: