Siumumi siulittaasussarsiorneq

Wæver Mikaelilu Siumumi siulittaasumut tullinngorput

Jørgen Wæver Johansen aamma Mikael Petersen arfininngormat partiimi siulittaasumut

Jørgen Wæver Johansen, politisk næstformand
Jørgen Wæver Johansen politikkikkut siulittaasumut tullinngoqqippoq - imaluunniit siulittaasup tullia siulleq. Aamma taamatut inissisimasimavoq Aleqa Hammond siulittaasuugallarmat

Siumumi siulittaasumik qinersisoqarneranut atatillugu qullersat annikinnerusumik nikipput.

Siulittaasumik qinersinerup kingorna politikkikkut siulittaasup tullissarsiornermi Jørgen Wæver Johansenip 30-nik taaneqarluni Karl Kristian Kruse, 21-nik taaneqartoq, ajugaaffigaa.

Mikael Petersen aaqqissuussaanikkut siulittaasumut tullinngorpoq, unammillerneqarani qinigaalluni.

Siulersuisuunernut ilaasortat allat:

Evelyn Frederiksen 32-nik taaneqarluni
Karl Kristian Kruse 29-nik taaneqarluni
Benjamin KIelsen 27-nik taaneqarluni
Martha Lund Olsen 22-nik taaneqarluni

SIS-imi siulittaasuuvoq Konrad Boye, Ineqi Kielsenilu Siumup siulersuisuunerini ilaasortatut toqqarneqarpoq.

Kommuninit siulersuisuunernut ilaasortat taakkuuginnarput. Tassa: Jakob Ludvigsen, Qaasuitsumit, John Olsen Qeqqanit, Martha Abelsen Sermersuumit Poul Kielsenilu Kujallermit.

Sinniisussat:

Gedion Lyberth
Mette Rasmussen Larsen

Powered by Labrador CMS