Skip to main content

Wæver Johansen: Uranimik akerliusut ersisaaripput

Kommune Kujallermi borgmesterip, Jørgen Wæver Johansenip (S), Kuannersuarni uranisiornissamik akerliusut ersisaarinertut taallugu tupigusuutigai

Kommune Kujallermi borgmesteri, Jørgen Wæver Johansen (S), qanittukkut Inuit Ataqatigiit Kujalliup sakkortuumik isornartorsiorpaa.

Jørgen Wæver Johansenip urani pillugu Folketingimi tusarniaaneq, 'qineqqusaarnermitut nipeqartimmagu' aseroraa, IA Kujalleq isumaqarpoq.

Inuit Ataqatigiit Kujaataani immikkoortortaqarfiata borgmesteri 'oqallilluarnissamik peqataatitsisumillu' aallartitseqqullugu kajumissaarpaa.

Tusarniaaneq apeqquseraa
Jørgen Wæver Johansen maanna IA Kujalliup isornartorsiuineranut akissuteqarpoq.

Siullermik ingerlatsiviit tunisassiornissamik piiaanissamillu suli qinnuteqanngitsut, urani pillugu Folketingimi tusarniaasoqarnera tupigusuutigaa.

Tassa imaappoq qinnuteqaat Avatangiisinut Inuiaqatigiinnullu Sunniutissanik (qallunaatut VVM aamma VSB-nik naalisarlugit taaneqartartut) naliliinertalik tiguneqanngitsorluunniit tusarniaasoqarpoq, naliliinerimmi taakku tunisasiornissamik piiaanissamillu qinnuteqartoqartinnagu inatsisitigut piumasaqaatigineqartumik suliareqqaarneqartussaapput. 

- Tassami qinnuteqaat aammalu misissueqqissaarnerit tassunga atasut (avatangiisinut inuiaqatigiinnullu sunniutissanik naliliinerit) tamatta aatsitassarsiorfiliariniakkamik naliliinissatsinnut tunngavissiisussaapput, taanna kommunip nittartagaani allappoq. (Wæverip akissutaa tamaat uani atuaruk, aaqq.)

Ersisaarineq
Borgmesterilu Kuannersuarni suliamut tapersersuisoq, nangippoq:

- Taamaammat immini uissuuminanngitsuunngilaq inuit ilaat qinnuteqaat suli tiguneqarianngitsoq aammalu qulaajarluakkamik tunngavissaqarluni innuttaasunik tusarniaasoqarsimatinnagu - aatsitassarsiorfiliariniakkamut qanorluunniit pisoqaraluarpat akerliunertik piinnarlugu ersiisaarinerit atorlugit paatsiveerussaaniarsinnaammata aammalu oqartussaaqatigiinnikkut inatsisitillu malillugit suleriaatsimut inuiaqatigiit taama ittunik suliaqarsinnaassusiannut tatiginnikkunnaarsitsiniarsinnaammata, borgmesteri oqarpoq.

Atuaruk: Aaja Chemnitz Larsen urani pillugu tusarniaatitsisoq

Siunnersuummik ujartuisoq
Kujataanilu ineriartortitsinissamut taassuma IA Kujalleq allanik siunnersuutissaqarnersoq aperaa:

- Kujataani suliffissat 7-800-it pilersinniarlugit, tassa suliffiit ineriartortitsinerlu avataaniit aningaasaliinikkut pilersinneqartussat, sunik allaanerusunik siunnersuutissaqartoqarpa? Imaluunniit kujataamiut ilarpassui piaaraluni suli suliffeqarnerup avataaniitillugit atugarliortuarallassanerpat? Wæveri aperivoq.

Atuaruk: Naalakkersuisut: Kalaallit uraniutaat qaartartunut atorneqassanngilaq

- Taamaammat pisarialinnik ilisimasatigut tunngavissaqarani aammalu nammineq periarfissanik taakkulu qanoq aningaasalersorneqarnissaannik tikkuagassaqarani, aatsitassarsiorfiliarineqarsinnaasumut siumoortumik itigartitsineq uanga isinni akisussaaffimmik nassataqanngitsoortussaanngilaq, Kommune Kujallermi borgmesteri oqarpoq.

Atuaruk: Aatsitassarsiorfiit nunatta karsia sinneqartoortissinnaagunarpaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER