Skip to main content

VVM pillugu nalunaarusiaq akerlerineqaqisoq ullualuit qaangiuppata piariissasoq

Aatsitassarsiorfiup Kuannersuarni suliniuteqarnermini avatangiisinut kingunerisinnaasai pillugit nalunaarusiani nutartigaq, sapaatip akunnialuisa ingerlanerani tunniutissavaa

Kuannersuarni aatsitassarsiorniarnermut atatillugu tailingsit toqqortarineqarnissaat pillugit misissuisoqaqqissimavoq imaanilu avatangiisinut kingunerisinnaasaanik itisiliisumik nalilersueqqittoqarsimalluni.

Aatsitassarsiorfiup Greenland Mineralsip allakkatigut ilisimatitsissutigaa, VVM pillugu nalunaarusiaq nutartigaq, martsip qaammataata naanerani apriillilluunniit qaammataata aallartinnerani tunniunneqarnissaa naatsorsuutigineqartoq.

Nalunaarusiami aatsitassarsiornerup avatangiisinut kinguneqaatissai allaaserineqarput, missingiussallu arlallit Namminersorlutik Oqartussanit siusinnerusukkut itigartitsissutigineqartarsimapput, Nmminersorlutik Oqartussat naliliinerat malillugu piumasaqaatinik naammassinnissimanngimmata imaluunniit kukkuneqarlutillu amigaateqarmata.

- Kuannersuarni suliniutissamut VVM-imut atatillugu suliat allat 2020-mi martsip 31-ani naammassineqassapput. Kalaallit Nunaanni oqartussat oqaloqatigisimavavut, taakkulu VVM-imut atatillugu suliavut misissussavaat, piiaanissamullu akuersissummik ingerlatsinermi alloriarnissaq tulleq pilersaarusiussallugu, ingerlatseqatigiiffimmi pisortaq John Mair oqarpoq.

Naammagittaalliuutip itigartinneqarnerata kingorna misissuisimanerit arlallit

Aatsitassanut Naalakkersuisup Vittus Qujaukitsup aatsitassarsiornermi suliniutit ingerlariaqqinneranik nuannaaruteqarluni qanittukkut nalunaaruteqarnerata kingorna taamatut nalunaaruteqartoqarpoq.

Greenland Mineralsimi ilisimatitsissutigineqarpoq, tailingsit – aatsitassarsiornermi sinnikut – toqqortarineqarnissaannut periusissanik ingerlatseqatigiiffik misissueqqissimasoq. Ingerlatseqatigiiffiup aamma aatsitassarsiornermi imaani avatangiisinut sunniutaasinnaasunik nalilersuisimaneq pillugu paasissutissat arlallit ilanngussimavai.

Greenland Mineralsip siorna apriilip qaammataani Aatsitassat pillugit Avatangiisinik Aqutsisoqarfik naammagittaalliuutigisimavaa, ingerlatseqatigiiffimmit isumaqartoqarmat VVM pillugu nalunaarusiornissamut piumasaqaateqarpallaartoq. Ingerlatseqatigiiffiup naammagittaalliuutaa itigartinneqarsimavoq, Naalakkersuisunillu Greenland Mineralas piumaffigineqarsimalluni Aatsitassat pillugit Avatangiisinik Aqutsisoqarfip piumasaqaataanik malinneqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER