Skip to main content

VM-imut peqataasussat toqqarneqarput

Kalaallit Nunaat sakkortuunik unammisartoqarpoq, Norgemilu VM-imi peqataanissamut piareerpoq, nunanut allanut unammisartut sungiusaasuat Anders Friis oqarpoq.

Nunanut allanut unammisartut sungiusaasuata Anders Friisip, Norgemi VM-ertoqarnerani unammisartut Kalaallit Nunaat sinnerlugu maanna peqataasussat saqqummiuppai.

- Stavangerimi Norgemi nunarsuatsinni assammik arsarluni pissartanngorniuunnissamut arsartussanik toqqaaniarneq sungiusaasumut imaannaasimanngitsoq nunanut aallanut unammisartuni sungiusaasoq Anders Friis oqarpoq, nangillunilu:

- Nalinginnaanngitsumik arsartutta piumassuseqarnertik takutippaat, taamaattumik uatsinnut sungiusaasunut toqqaaniarnermi ajornakusoorsimaqaaq. Katerisimaarnerni assorsuaq tunniussimaqaat, naak katerinnerni unammillernartoqaraluartoq ataqatigiinertik tapersersueqatigiinnertillu takutilluaqaat.

Ajoqusernerit aamma ”pisut nuannersut”

Nunanut allanut unammisartut sungiusaasuata unammisartut arlallit ajoqusersimanertik pissutigalugu peqataanngitsoortariaqartut oqaatigaa, ataaserlu nuannersumik pissuteqarpoq:

- Taamaammat VM-imut arsartussanik toqqaaniarneq imaannaanngeqaaq. Taamaakkaluartoq arsartussagut sakkortoqaat, tamarmillu anguniakkatsinnut isumaqatigiissutitsinnullu akuupput. Soorunami uggornaqaaq arsartutta ilaat anngunniunnermi katerisimaartarnernilu ajoqusermata. Tassungalu atatillugu arsartutta ilaat pingaaruteqarluartoq, Najaaja Anja Lyberth Heilmann, ilaqutariinni ilasussanngormata peqataasinnaanngilaq.

- Kisianni tassa arsartussagut tulluusimaarutigeqaagut. VM-eriartulerpugut tanngassimaarluta maniguullutalu, unammersuaarnissatsinnullu piareeqqavugut!

VM-imut peqataasussat:

  • Nivi Fly GSS
  • Aviaaja Heilmann GSS
  • Rina Møller Lorentzen GSS
  • Ivaana Holm GSS
  • Ivâna Meincke Stjarnen, Island
  • Nukaaka Petrussen Lyberth EB Eidi, Færøerne
  • Sandra Rothberg GSS
  • Ivalu Bjerge NSK håndbold
  • Nivi Jensen Petersen Silkeborg-Voel KFUM
  • Lykke Frank Hansen FHK, Danmark
  • Anja Heilmann GSS
  • Josefine Jakobsgaard Gadgaard Ejstrup- Hærvejen
  • Aili Pedersen GSS
  • Ane Sofiannguaq Frederiksen Silkeborg-Voel KFUM
  • Nuunu Marie Lukassen SIK Viborg
  • Andrea Heilmann GSS
  • Sascha Jordening Zeeb GSS
  • Aviana Kâjangmat Silkeborg-Voel KFUM
  • Anders Cramer Friis sungiusaasoq

Sungiusaasut allallu:

  • Kim Ostermann Petersen sungiusaasup ikiortaa
  • Mette Munk Larsen Fysio
  • Arnannguaq Steenholdt Support staff
  • Jens Elbrønd Steffensen Support staff
  • Kenneth Stage Morgenstjerne Fysio
  • Leif Johnsen Abildstrup Christensen målmandit sungiusaasuat
  • Kurt Lauritsen Angalanermi aqutsisoq
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER