Skip to main content

VM-imut anngunniunnissaq kinguartinneqassagunartoq

Nunarsuarmi pissartanngorniuteqataanissamut anngunniuttoqartussaagaluarpoq apriilimi. Unammersuaarnissaq juunimut kinguartinneqaratarsinnaasoq Assammik Arsartartut Kattuffiat nalunaarfigineqarpoq

Angutit assammik arsarlutik nunanut allanut unammisartut VM-imut anngunniullutik unammisussaagaluarput apriilimi.

Timersoqatigiit Assammik Arsartartut Kattuffiat nalunaarfigineqaqqammerporli anngunniunneq kinguartinneqassagunartoq, juunimut kinguartinneqartussatut maanna inissisimalerluni. Unammersuaarneq ukiunit allanit unammiffiusunit allaanerussaat, tassami Amerikap avannaanit aamma caribiamit nunat kisimik uani peqataassammata, taamaasilluni ingerlalluartartut soorlu Argentina aamma Brasilia uani peqataassanatik. VM-imut anngunniunneq Mexicomi pissaaq.

- Kattuffissuaq nutaajummat allanngortoqaratarsinnaanera piareersimaffiginikuuarput. Unammersuaarnissaq qaqagu ingerlanneqassanersoq februaarimi ilisimatinneqarnissarput naatsorsuutigaarput, taamaattoq juunimi pissasoq ilimagineruarput, kattuffimi siunnersorti Poul Petersen Sermitsiaq.AG-mut oqarpoq.

Angutit anngunniukkiartortussaanerat pissutaalluni ukioq manna GM-imut aamma sunniuteqarpoq.

- Mexicoliartussaanerat pissutaalluni GM-ip ingerlanneqarnissaa kinguartinnikuuarput. Ilulissani maajip 18-anit 25-at ilanngullugu GM ingerlanneqassaaq, ilisimatitsivoq.

VM-imut anngunniunnermi nuna ataaseq VM-imut anngutissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER