VM-ertoqarnerani unammisitsinermi ajugaasoqarpoq
Tusagassiiviup VM-ertoqarnerani unammisitsineranut peqataasut akornanni pilersaarutaasutut ullup-qeqqata siorna makitsisoqarpoq.
Inuit miliuunilikkaat piffissami matumani isikkamik arsarnermi nunarsuarmi pissartanngorniuttoqarneranut tv-kkut malinnaapput. Aamma maani nunatsinni. Taamaammat tusagassiivimmit VM pillugu atugassiaq saqqummiunneqarpoq. Sammisaq digitalikkuinnaq saqqummiunneqarlunilu netsikkut aviisimik atuaruminarnerulersitsisoq.
Atuagassiaq 50-inik quppernilik arsaannermut tunngassuteqaannartunik imaqanngilaq.
Aamma unammisitsinrmi peqataasut akornanni takorluukkanik piviusunngortitsisinnaasumik makitsisoqarneranik imaqarpoq.
Makitsinermi pinnatassaq tassaavoq. Danmarkimi isikkamik arsarnermi nunanut allanut unammisartut ukiumi nutaami EM-ertoqarnissaanut anngunniunnerit aallartillugit Københavnimiittumi Parkenimi isiginnaarnissamut atorneqarsinnaasoq.
VM pillugu atuagassiami unammisitsinermut peqataasut akornanni ajugaasoq maanna kinaanersoq paasineqarpoq.
Taannalu tassaavoq Thomas Wolf, Air Greenlandimit 16.000 koruuninik nalilimmik angalanissamut gavekortinnallunilu tusagassiivimmit Sermitsiaq.AG-mit aningaasartuutinut atugassanik 4.000 koruuninik nalilimmik gavekortinnattoq. Gavekortisiat VM pillugu atuagassiami unammisitsinermut attuumassuteqaraluartut, ajugaasup aningaasat nammineq kissaatigisaminut atorsinnaavai.
Pilluarit.