Vivian Motzfeldt Inatsisartut siulittaasuattut ingerlaqqikkumalluni sassassaaq
Vivian Motzfeldtip ukiakkut ataatsimiinnermi Inatsisartut siulittaasuattut sassaqqinnissani ilimagaa. Taassuma isertuutinngilaa partiip siulittaasuat, naalakkersuisut siulittaasorisaat, Kim Kielsen tapersersoramiuk.
Nunatta aqunneqarnera isummersortartorpassuit pissangannguatsiarput Inatsisartut ataatsimiinnerat aallartiganiluuniit qalaalereersup aallartinnissaa pillugu – Inatsisartut ileqqortik malillugu assuarlutik Inatsisartut ukiuata nutaap aallartinnissaminnut piareersarnerat ilutigalugu. Siumup Inatsisartuni ilaasortaatitaasa akornanni susoqassava? Isasuussappat? Matunik matorluisoqassava partiinullu allanut nuuttoqarluni? Demokraatit aammalu Nunatta Qitornaasa ikinnerussuteqarlutik naalakkersuisooqatigiit nangittumik tunuliaqutaaffigissavaat? Apeqquterpassuit akissutissarsiniarlugit eqqoriarneqarsinnaasut imaaginnavipput, taamaattorli allamik pisoqassanngippat, Inatsisartut siulittaasuata Vivian Motzfeldtip (S) pilersaarutigaa Inatsisartut siulittaasuattut sassaqissalluni.
Aviisi Sermitsiaq taama allappoq.
– Tamanna naatsorsuutigaara, taamaattorli politikkimi susoqassanersoq nalunartuaannarpoq, Vivian Motzfeldt aviisimut Sermitsiamut oqarpoq.
Taassuma isertuarani Kielsenip sulileranik tapersersuisuunini naqissusertarpaa, tassa partiimi siulittaasutut aammalu Naalakkersuisuni siulittaasutut Kielsen tapersersorpaa. Aviisimit Sermitsiamit nammineq akisussaaffigisatsinnik eqqoriarparput Naalakkersuisuni nikisitsisoqarsinnaaneranut soorluuna sillimaqquneqarsimasoq, tassami Erik Jensen (S) siulittaasuminut tatiginninnginnerminik nalunaarutini Naalakkersuisunit tunuarnermik kinguneqartissappagu nikittoqartariaqalertussaavoq.
Siunnersuuteqarneq ajornaatsuinnaanngitsoq
Taamaattiorli tassa Motzfeldip Inatsisartut siulittaasoqarfiani siulittaasoqatini peqatigalugit Inatsisartut ukiakkut ataatsimiinnissaannut ullormut oqaluuserisassat piareersareerlugit naammassinikuuaat, partiini ilaasortat siunnersuutitik ukiaanerani ataatsimiinnermi suliarineqartussat saqqummiunnikuuaat siulittaasoqarfimmillu akueritereerlugit.
Inatsisartut ukiaanerani ataatsimiinnerat iluatsittumik pilersaarutillu naapertorlugit ingerlassappat, taava siumoortumik naatsorsuutigisinnaavarput Inatsisartut partiit assigiinngissutaat akimorlugit arlalissuartigut kingumut siunnersuutit saqqummiunneqartut aqqutigalugit annertuumik isumaqatigiilluarumaartut.
Aviisimi Sermitsiami Inatsisartuni siulittaasoqarfiup ukiaanerani ataatsimiilinnginnermi suliai pillugit atuarnerusinnaavutit. Aviisi uani ataani pissarsiarisinnaavat: