Skip to main content

Vittus: Inuusuttut amerlanerusut sulilissapput

Sulineq akilersinnaasariaqarpoq. Pisortanit ikiorsiissutinik aaqqissuusseqqinnerup tamanna qulakkiissavaa.

Inuusuttut suliffeqanngitsut ikinnerulernissaat amerlanerillu sulilernissaat atugarissaarnissamut pingaaruteqartorujuuvoq. Ukiup tullianut aningaasanut inatsisissaq aningaasaqarnermut naalakkersuisup, Vittus Qujaukitsup (NQ) saqqummiummagu taama naqissusiivoq.

- Siunissami atugarissaarnissaq isertitaqarluarnissarlu qulakkeernissaannut inuiaqatigiinni sulilersitsinissaq pingaaruteqartorujuuvoq, taanna oqarpoq.

Tamassuma saniatigut namminersortut pisortallu suliffeqarfiutaanni amigaatiminnik sulisussarsiniarnertik ajornakusoortippaat.

Suliffissaqartitsineq siuarsarniarlugu Naalakkersuisup ukiup tulliata ingerlanerani pisortanit ikiorsiissutinik suliffeqanngikkallarnermilu ikiorsiissutinik aaqqissuusseqqinneq ataatsimoortoq saqqummiutissavaa. Tamassuma sulineq imminut akilersinnaalertissavaa uniinnarluni pilersorneqaannarnerminngaanniit.

- Pisortanit ikiorsiissutinik pisartagaqarneq annikillisassavarput, taanna oqarpoq.

Tamassuma saniatigut ukiaanerani ataatsimiinnermi Naalakkersuisut sulinermut ilanngaatip atulersinneqarnissaanut siunnersuut saqqummiussavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER