Skip to main content

Vittus soraarnerussutisiaqarnissamut tunngatillugu sulianut oqarasuaammik toqqaannartumik attaveqarfissamik pilersitsivoq

Aaqqissuussap aallartisarnerani ajornartorsiortoqaraluartoq Naalakkersuisut qularutiginngilaat, utoqqalinissamut ileqqaarneq inunnut ataasiakkaanut pitsaanerpaasoq. Maanna aallartisarneq nalilersorneqassaaq, soorlu aamma Vittusip naalakkersuisoqarfini peqqusimagaa, akileraarutitigut qaffaaffigineqarsimasunut oqarasuaatikkut toqqaannartumik attaveqarfissamik pilersitseqqullugu

Inuit soraarnerussutisiaqarnissamut aaqqissuussamut akiliuteqarsimannginnertik pissutigalugu akileraarutitigut qaffaaffigineqarsimasut oqarasuaat toqqaannartumik attaveqqarfiusinnaasoq aqqutigalugu ikiorneqassapput.

Aviisi Sermitsiaq allappoq.

Aningaasaqarnermut Naalakkersuisup Vittus Qujaukitsup (NQ) oqaatigaa, Akileraartarnermut atugarissaarnermullu ataatsimiititaliarsuaq pinngitsoorani soraarnerussutisiaqartarnissamik isumassarsiamik 2011-mi saqqummiussisimasoq, tamatumalu kingorna 2016-imi Inatsisartuni partiit tamarmiullutik isumassarsiamut tapersersuisimasut.

– Inatsisitigut qulakkeerniarneqarpoq, innuttaasut amerlanersaasa, taakkununnga ilanngullugit aningaasatigut atugarliortut, toqqissisimasumik utoqqalinissaminnut aningaasatigut tunngavissaqalersinneqarnissaat. Erseqqissaatigissallugu pingaaruteqarpoq, pinngitsoorani soraarnerussutisiaqarnissamut ileqqaarneq akileraarutaanngimmat Nunatta Karsianut nakkartussaq, akerlianik inuit ataasiakkaat namminneq ileqqaagaraat – ernialerlutik – akiliuteqarsimasunut utertussat, Vittus Qujaukitsoq (NQ) erseqqissaavoq.

Aamma oqaatigaa, sulisartut amerlanerpaartaat, 40.000-inik amerlanerusut ajunngilluinnartumik soraarnerussutisaqarnissamut ileqqaagaqartut, sinneruttulli 6.500-t missaanniittut soraarnerussutisiaqarnissamut aaqqissuussamut ilaatilerniarlugit ikiorneqartariaqartut. Tassunga atatillugu Vittus Qujaukitsup naalakkersuisoqarfini skattekortiminnik ajornartorsiuteqartut oqarasuaatikkut toqqaannartumik attaveqartarfissaannik pilersitseqqusimavaa.

Illuatungiliuttut soraarnerussutisiassanut tunngassutillit pillugit Vittus Qujaukitsoq ammasumik isumasioqatigiseralugu tallimanngormat qaaqquvaat.

Suliaq aviisimi Sermitsiami paasisaqarneruffigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER